Наташа и Горан Папаз се родители на тројка: „Плачат сите наеднаш, трошиме по 24 пелени дневно, но ова е убава песна“

Имате ли точна рутина – кое бебе се бања прво, како јадат, околу заспивањето? Спијат ли во исто време?

Најгласното бебе, има предност за јадење и пресоблекување, а најрасонетото за бањање, потоа тоа прво заспива.

Се шегувам, начелно во одделот кај инкубаторите, имаат точно определено време за јадење на бебињата на секои три часа, па нашите бебиња си дојдоа дома веќе „воспитани“, односно со веќе стекната навика за јадење во исто време.

Секако, има и промени, но генерално јадат и спијат во исто време. Ако некое бебе во меѓувреме „се распее“, го одделуваме од групата, но најчесто тоа е знак дека и другите ќе се разбудат во наредните 10-15 минути.

Што ви беше тешко на почетокот, а денес ви е „како песна“?

Навистина не можам да одвојам и направам таква споредба, бидејќи е релативно кратко време од комплетирањето на сите дома и моментално разликата е само во темпото на „песната“, но е секако со убав наслов и убава содржина уште од самиот почеток.

Колку пелени менувате дневно? А, колку пари трошите на пелени месечно?

Навистина многу, не знам, можеби по околу 7-8 пелени од бебе, што значи дневно вкупно околу 24.

Во однос на трошоците, сè уште немаме чиста пресметка, бидејќи на прославата за раѓањето на бебињата, добивме многу подароци со по 3 пакетчиња пелени и сè уште трошиме од тие.

Што ви е најголем трошок месечно, освен пелените?

Сметката за струја (ха-ха)… се шегувам.

Мислам дека формулата за млеко и сирупчињата / капките против грчеви, бидејќи нашите три бебиња се со голем апетит.

Дали почнуваат да го покажуваат својот карактер? Колку се разликуваат едно од друго? Кое бебе е најтемпераментно, а кое најмирно?

Мислам дека е рано да покажуваат карактер, бидејќи се премногу мали и генерално сега за сега, се навистина „мирни“ и со поглед „се смеат“ (не дека се наши, ама…).

Сепак, Лазар е најгласен во изразувањето на потребите, а Лена е најтивка.

Луна е очигледно нешто помеѓу нив двајца.

Плачат ли многу ноќе? Дали плачот на едното, секогаш значи дека ќе заплаче барем уште едно? Успеваш ли да спиеш?

Во повеќето денови, ноќите им се мирни и се будат само за јадење и продолжуваат со спиење, но секако се случило и да има и ноќи кога врзувањето со спиење е само по 30-тина минути.

И да, најчесто плачот на едното бебе (ако не реагираш навистина брзо), значи плач и на другото, а за брзо време и на третото.

За ноќните смени се менуваме, но во поголем дел, Горан е трета смена, бидејќи мене денот секако ми започнува навистина рано со телефонски повици.

Да напоменам дека имаме помош и многу љубов од бабите и дедовците, па секако со нивна помош успеваме и ние да имаме сон од неколку часа.

Продолжува на следната страница...