Сања Лефкова: „Работам како професор по музика во Дортмунд, не знам дали требаше да ја напуштиме Македонија“

Какви се на поле професија?

Обично тука има доста можности за школување и не постои старосна граница и овде можеш да сретнеш дури повозрасни луѓе да учат или да завршуваат некој курс.

На колку години Германците стапуваат во брак? Дали имаат модерни сфаќања? Го ценат бракот или има многу разводи?

Не би можела да кажам затоа што јас сум растена со друг менталитет во Македонија, но од страна гледано имаат доста модерни сфаќања, браковите не им се привилегија или ги склучуваат после 30-тата година и ретко се одлучуваат да имаат деца.

Тука има и многу истополови бракови.

Колку е различна Германија за доживување како турист и како граѓанин таму?

Многу е различно. Најпрвин треба да се навикнеш да живееш и да оствариш социјални контакти и да можеш да работиш, да заработуваш и да функционираш и притоа да се чувствуваш дека припаѓаш тука.

Не е исто да трошиш пари заработени и да одиш на одмор и да работиш и да живееш во некоја држава подолго време.

Како те прифаќаат како дојденец? Има ли многу Македонци што живеат таму? Се запознавте ли, ти доаѓаат на забави?

Не постои разлика, зошто во последно време има доста странци што се населуваат тука.

Доколку го владееш јазикот и работиш сите те вреднуваат, во спротивно нема да можеш да се вклопиш и да напредуваш на кое било поле.

Јас сум прифатена и сè уште пејам и работам со различни луѓе. Има и доста Македонци кои живеат тука и се дружиме.

Имам доста настапи и преку Македонската Православна Црква и македонските културни друштва, но почесто пејам и на фестивали и прослави кај Германци и за многу кратко време создадов и овде своја публика.

Каде одат Германците на одмор?

Нема правила, одморите тука се планираат уште половина година однапред.

Обично одат во Шпанија, Франција, Италија или на крстарења.

Какви се училиштата?

Има и државни и приватни. Имаат доста добра програма за работа.

Постои основно училиште до 4 одделение, потоа од 5-13 гимназија или училиште што е како кај нас основно до 9 одделение и потоа одиш во Средно образование.

По завршување на 13-то одделение се полага матура и може да се студира.

Се изучуваат германскиот јазик за странци, дури и со дополнителни часови, како и англиски, италијански, француски, португалскиот јазик.

Продолжува на следната страница...