Успешни Македонци низ светот: Драган Гелев е наш уметник во Швајцарија

Детали

петок, 04 октомври 2024

Драган Гелев од Штип речиси две децении живее и работи во Швајцарија, а неговите дела се продаваат во некои од најпознатите галерии во Лондон, Берлин и Базел. Имал своја изложба и во Чикаго. Светски, а наш!

Драган Гелев од Штип веќе 18 години живее и работи во Швајцарија, а се занимава со уметност повеќе од 20 години.

По завршувањето на средно гимназиско образование трипати се обидел да се запише на Факултет за Драмски Уметности, но неуспешно и се запишал на Педагошкиот факултет во Скопје.

Неговите уметнички дела се имаат продавано во некои од најпознатите европски галерии, како Makowski Gallery (Берлин), Arts Market Gallery (Лондон), Saati Gallery (Лондон) и многу други.

Член е на Здружението на ликовни уметници ‘Урош Предиќ’ од Србија, кое има 30-годишна традиција во Швајцарија, и е единствен член кој не е Србин, односно е единствен Македонец.

Заедно со другите членови постојано е присутен со свои дела на групни изложби.

Учествувал на многу групни изложби во Базел, Цирих, Вупертал (Германија), Скопје, Штип итн.

Во Швајцарија е прогласен за уметник на месецот од најчитаниот весник Nau (електронската верзија е Nau.ch).

Зад себе има и самостојни изложби во родниот Штип, каде го отвори Штипското културно лето во 2023 година, во Скопје и Чикаго и, за CRNOBELO.com, вели дека најубавиот дел за него е што сите тие изложби биле со хуманитарен карактер.

Следни изложби се планирани во ноември во Базел, декември во Мајнц, а за 2025 година се во подготовки три самостојни изложби во Њујорк, Париз и Торонто.

За CRNOBELO.com Драган вели:

„За мене уметноста е светлина без која човештвото би било во мрак. Нема уметност без искрена емоција и само она што од душата ќе се прелее дали  на платно, филм или пишан збор, има длабока и вечна вредност“.

Продолжува на следната страница...