Каква мајка, таква ќерка – Нашите балерини Марија и Стефанија се доказ дека гените се чудо

Детали

понеделник, 16 септември 2024

Балерините Стефанија Гаштарска (23) и Марија Крстевски (43) се доказ дека гените се чудо. Двете се неверојатно талентирани, а многумина ги мешаат дека се сестри. „Мајка ми кога првпат ме виде како настапувам, заплака и ми рече дека сум родена за на сцена“, вели Стефанија за CRNOBELO.com.

фото: Мартин Трајановски за Fashion Group

Стефанија Гаштарска (23) е балетски уметник, дипломирана на Болшој балетската Академија во Москва, солист првенец во Перм Опера и Балет во Русија.

Марија Крстевски (43), мајка на Стефанија и Давид, е солист во Македонската Опера и Балет, дипломиран балетски педагог и репетитор, како и сопственик на балетското студио „АРАБЕСК“.

Двете се неверојатно талентирани и во себе носат огромна љубов кон балетот.

За CRNOBELO.com Стефанија споделува:

„На прашањето дали талентот е наследен, во нашиот случај повеќе од очигледно е „ДА“, а дали тој талент ќе се развие правилно зависи од повеќе фактори, поддршката од дома, правилното насочување, среќа, упорност, многу работа, големи соништа, визија, верба во себе и најважно од сè верба во Бога.

За среќа, јас сето тоа го имав.

Мајка ми пред сè ми е најголемата поддршка и најголем фан уште во периодот кога освен желба и визија, немав некои физички предиспозиции за балерина (бев полничко девојче затоа што бев голем гурман).

Мајка ми уште првиот пат кога ме виде на сцена, на мои 9 години, се расплака (а не е некој што е лесно кршлив кога се емоциите во прашање).

Толку беше трогната што од тој момент ми кажа „Ти си дете родена за на сцена“ и од тој момент почна нашата борба и трнлив пат кон успехот.

Ова не сакам да звучи како клише, туку навистина поминавме трнлив пат, но веројатно немаше да бидам ова што сум денес да не ме исчеличи животот.

Продолжува на следната страница...