Јован и Никола имаат бурекчилница во Австралија: „Продаваме скоро 30 вкусови на бурек, ама најбарани се со месо и сирење“
Покрај незаменливиот бурек, што уште се пече во вашата фурна?
Ексклузивно печеме само буреци и мазници. Ние веруваме дека го произведуваме најдобриот бурек и мазник, па затоа не би сакале да се движиме во други насоки каде што не би биле најдобри.
Дали е семеен бизнис или имате и вработени?
Почна ексклузивно како семеен бизнис, но како што се развиваше бизнисот моравме да вработиме и други луѓе.
Моментално имаме пет вработени, но сè уште успеавме да го задржиме тоа чувство на семеен бизнис.
Кој вкус на бурек е најбаран?
Ние сме единствената бурекчилница во Австралија во којашто има скоро 30 вкусови на бурек од коишто може да се нарача и да се подготват во рок од 45-60 минути, но сепак најбараните вкусови ни се сирење и месо.
Покрај Македонците, кои сигурно се редовни муштерии, колку локалците купуваат бурек и како ве прифатија?
Локалците апсолутно ни се редовни, а имаме муштерии од австралиско, кинеско, арапско и европско потекло и многу други
Да не се фалиме, ама нашиот бурек како специјалитет е многу оригинален и кога ќе го откриеш, не можеш да го заборавиш.
Дали често доаѓате во Македонија?
Секоја година, редовно без прекин. Се надеваме дека ќе сме здрави и живи и Господ ќе го овозможи тој луксуз и во иднината.
Колку чини четвртина бурек во Австралија?
8.5 австралиски долари (околу 320 денари) за 1⁄4 бурек.
Интервјуто продолжува на следната страница...
Би можело да ве интересира:
Препорачуваме
Најчитани неделава
