Ние сакаме мусака, а Германците пикaрт - специјалитети со компири од целиот свет
Се чини дека омилената храна на човекот е компирот, бидејќи во секоја земја постојат одлични рецепти со компир и секако, ние ја имаме нашата вкусна мусака.
Компирот е една од оние намирници со кои можете да направите речиси сè. Доаѓа во неколку варијанти и е релативно евтин и едноставно вкусен. Навистина е тешко да не се заљубите во компирот. Постојат многу начини за подготовка, а културите ширум светот го прифатија компирот како главен производ во исхраната.
Во продолжение погледнете какви јадења со компир постојат во различни држави:
Patatje oorlog - Холандија
Patatje oorlog е холандско јадење што се состои од помфрит прелиен со различни зачини, вклучувајќи мајонез, ситно сецкан кромид и сос на база на кикирики, ароматизиран со соја сос и чили.
Aloo gosht - Пакистан
Ова е традиционална пакистанска чорба базирана на месо и компири. Јагнешко, овчо или говедско месо се вообичаените видови месо што се користат при подготовката на ова богато јадење, но може да се користи и пилешко. Јадењето се прави со парчиња месо и компири кои се готват долго и бавно, а се додава и лук, ѓумбир, домати, кромид и разни зачини како коријандер, цимет, чили во прав и куркума.
Kugelis - Литванија
Kugelis е литванско национално јадење во форма на вкусна торта од компири. Рецептот преживеал со векови без значителни промени и често се среќава на менито на рестораните низ целата земја.
Pickert - Германија
Pickert е германско јадење кое најдобро може да се опише како палачинка или вафла од компири. Клучните состојки вклучуваат брашно, рендан компир, јајца, млеко, квасец, сол, шеќер, масло и суво грозје. Кога тестото е подготвено, може да се пржи или пече.
Trinxat - Андора
Ова јадење се состои од пире од зелка и компири, а како додаток има печурки, лук, свинско месо или сланина, сол, бибер и маслиново масло. Целото ова се меша и се прави во вид на палачинки кои се печат или пржат.
Уште пет специјалитети на следната страна...
Би можело да ве интересира:
Препорачуваме
Најчитани неделава
