Како паметно да ги искористите остатоците од храната?

Празниците се период кога се готви и купува повеќе од потребното, па ако и вие сте склони на залихи храна кои потоа остануваат, овие идеи ќе ви бидат од помош.

Што да направите од останатото пире, од преостанатото печено месо или сувиот леб?

Ако ви остане пире од компири, не го фрлајте. Додавајте брашно постепено, додека не замесите тесто. Истенчете го добиеното тесто со сукало и исечете линии како јуфки. Сварете ги и додадете сос по желба.

Ако ви остане пилешко месо, може да направите полнети тортиљи или лиснати со зеленчук, кашкавал и сосови. Или, може да го измешате со малку зеленчук и да добиете протеинска салата.

Ако ви остане друг тип на месо, исечкајте го ситно и потопете го во соја сос. Сварете нудли, исечкајте зеленчук и добивате ориентален вкус.

Од вишокот сварени макарони или тестенини, може да направите потпечени тестенини со рендан кашкавал, прелиени со матено јајце.

Остатоците од варениот зеленчук може да ги изблендирате и да сварите прекрасна крем супа.

Стариот леб може да го потпечете со додатоци по желба – доматно пире, кашкавал, печурки и салама и да добиете домашна пица. Или, може да го исушите исечкан на коцки и да добиете домашни кубети за во салати.

Презреаното овошје секогаш може да го исчистите и да го изблендирате, да му додадете малку мед или цимет и да го користите како додаток во овесната каша за појадок.

М. Д. | Црнобело / фото-извор: uspesnazena.com