Ксенија Николова: „Позната ми е голготата наречена ин витро оплодување, браво за мајката-херој (61) која роди бебе“

Детали

среда, 27 ноември 2024

„Верувајте, ин витрото, особено она што е неуспешно по не знам кој пат, преку ноќ се претвора во пекол од кој многумина побегнале, а оваа хероина се борела до крај“, гласи дел од моќната објава на Ксенија Николова, која и самата зад себе има 5 неуспешни обиди за ин витро.

Писателката Ксенија Николова во изминатите години отворено говореше за својата борба со неплодноста и пред јавноста откри дека имала 5 неуспешни обиди за ин витро оплодување, а јавно зборуваше и за биохемиската бременост, пред да каже дека планира целосно да се откаже од третманите и да остави сѐ на случајноста.

Сега, инспирирана од убавата приказна за мајката-херој која роди бебе на 61 година, но и згрозена од некои од негативните коментари за овој прекрасен настан, таа напиша емотивна објава.

Пораката на Ксенија Николова:

„Како некој кому му е одблизу позната борбата и голготата наречена ин витро оплодување, ќе се надоврзам на прекрасната вест за мајката-херој која на 61-годишна возраст на свет донесе бебенце.

Гледајте си ја својата работа и немојте многу да кажувате што е етично, а што не е, што е правилно, а што погрешно.

Прељубата, насилството, измамата, тие се сржта на неморалот, но вам ви е трн во око оваа храбра лавица што не се откажала од својата најголема љубов.

Верувајте, ин витрото, особено она што е неуспешно по не знам кој пат, преку ноќ се претвора во пекол од кој многумина побегнале, а оваа хероина се борела до крај.

Аплауз и глас да не чујам!“

фото: Инстаграм

Прочитајте и Ксенија Николова со фотка од болница по 5-тиот неуспешен обид за ин-витро: „Уморна сум од борбата, но јас останувам среќна индивидуа“

С. С. | Црнобело