„Не спиев два дена и две ноќи“ - Марија Шерифовиќ на првиот роденден на синот првпат откри детали за неговото раѓање
- Детали
- понеделник, 02 декември 2024
„Не спиев два дена и две ноќи. Во 2 часот по полноќ се спакувавме и тргнавме во болница. Мојот сакан Лос Анџелес таа ноќ ми изгледаше најубаво“, споделува Марија Шерифовиќ за мигот кога на овој свет дошол нејзиниот син Марио и му го честита првиот роденден.
Пејачката Марија Шерифовиќ постојано истакнува колку ужива во мајчинството и во секој миг минат со синот Марио.
Таа со задоволство споделува емотивни мигови од секојдневието со него, но сега, по повод неговиот прв роденден, таа отворено проговори за ноќта кога тој се родил.
Нејзината роденденска објава за Марио, која ја објави вчера (01.12) на Инстаграм, гласи:
„Не спиев два дена и две ноќи. Во 2 часот по полноќ се спакувавме и тргнавме во болница. Во апсолутен мир и среќа.
Цел ден и цела ноќ ја слушавме песната „What a wonderful world“.
Мојот сакан Лос Анџелес таа ноќ ми изгледаше најубаво. Како ѕвездите да сјаеја најсјајно тогаш.
Тргнавме да те дочекаме на свет тебе мал мој, најубав.
Ме прашуваат дали животот ми се променил. А јас не знам да им објаснам колку ми се промени. Не знам како да им објаснам како е можно некој толку да се сака.
Велат дека децата ги бираат своите родители... А мене не ми преостанува ништо освен до последниот ден од мојот живот да се запрашувам како јас тебе, таков совршен, те заслужив.
Среќен ти роденден сине мој, те сакам!“
Повеќе фотографии од Марио:
С. С. | Црнобело
Би можело да ве интересира:
Препорачуваме
Најчитани неделава
