Палачинки од тиква – омилен десерт на сите кои внимаваат на исхраната и калориите
Пазарите се преполни со тиква, а освен печена и варена, можете да ја искористите за да си подготвите вкусен појадок или десерт како на пример здрави палачинки.
Ова е одличен рецепт за палачинки што не содржат глутен и вештачки шеќери, а се подготвени во целост со здрави состојки. Идеален појадок за сите што се на диета или што сакаат да водат здрав живот.
Од оваа смеса ќе добиете вкупно 6 палачинки, а се сервираат по 2 во порција.
Потребни состојки:
- 180g пире од тиква (пасирана варена тиква);
- 2 поголеми јајца;
- 160ml бадемово млеко (или млеко по ваш избор);
- 2 мали лажички екстракт од ванила;
- 1 голема лажица јаворов сируп;
- 120g овесни снегулки;
- 2 мали лажички прашок за печиво;
- 1 мала лажичка цимет;
- ¼ лажичка сол;
- Маслиново масло или путер (за печење).
Начин на подготовка:
- Сите состојки се ставаат во блендер и се блендираат додека да добиете целосно изедначена смеса (од 30 секунди до 1 минута);
- Тавчето се премачкува со маслиново масло или путер и се става да се загрее на средна температура;
- Кога ќе се загрее тавата со мала црпалка се става од смесата за да се добие палачинка со средна големина;
- Доколку смесата е премногу густа, со лажица може да се обликува палачинката додека е во тавчето;
- Палачинките се пржат од 2 до 4 минути од едната страна, односно додека да почнат да нараснуваат и да се формираат балончиња по краевите;
- По ова палачинките се превртуваат за да се испечат од другата страна. Ако забележите дека палачинките стануваат кафеави премногу брзо тогаш потребно е да ја намалите температурата.
Б. С. Б. | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепт за најмеките палачинки без млеко (може да останат свежи и до два дена)
Подгответе вкусни палачинки и наполнете ги со фил по ваш вкус.
Еден од триков...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Рецепт за мини палачинки со Нутела – ги обожаваат и децата и возрасните
Како да ги подготвите популарните мини палачинки со Нутела, на кои децата не мож...
Рецепт за најбрзиот десерт од само 3 состојки
Што можете да подготвите за десерт набрзина, без да губите премногу време? За ов...
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Препорачуваме
Најчитани неделава
