Десерт без печење готов за 10 минути – Брзи и шарени колачиња со путер од кикиритки
Ги обожаваме брзите и лесни рецепти кои се подготвуваат без многу мака и, што е најважно во лето, без вклучување на рерната.
Овие протеински колачиња со путер од кикиритки ќе ги обожаваат сите, а особено најмалечките поради шарената декорација. Секако, вие може да ги декорирате онака како што сакате, но дури и да ги оставите „најобични“ ветуваме дека вкусот е неверојатен.
Потребни состојки:
- 1+ ½ шолји кафеав шеќер (може и обичен бел шеќер)
- 6 лажици омекнат путер
- 6 лажици млеко (може да ставите и растително млеко, по вкус)
- ¾ шолја путер од кикиритки
- 2 + ¼ шолји крупни овесни снегулки
- Шарени бонбони за декорација (опционално)
Начин на подготовка:
- Во подлабок зад за готвење ставете го шеќерот, путер и млекото на средна температура. Мешајте додека путерот целосно не се растопи. Оставете ја смесата да врие точно 1 минута, а потоа тргнете ја од огнот.
- Во садот додадете во путерот од кикиритки и мешајте нежно додека смесата не стане мазна. Додадете ги и овесните снегулки и добро измешајте додека не добиете компактна смеса.
- Од смесата направете плоснати колачиња во кружна форма и додадете ги бонбоните или декорирајте со растопено чоколадо. Оставете ги колачињата добро да се стегнат.
- Колачињата може да ги чувате во добро затворена кутија до 3 дена, иако се сомневаме дека ќе имате резерви дотогаш.
(О)Милена | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Рецепти за 3 брзи ролати за новогодишната трпеза
Чоко ролат со крем банани, или ролат со кокос... Изберете некои од нашите предло...
Нова верзија на рецептот на баба: Омилените божиќни гурабии со ванила и ореви
Се сеќавате на вкусните колачиња што буквално ви се топат во уста? Меки и полнет...
Рецепт за сочна штрудла со јаболка и цимет
Јаболка, цимет и путер - совршена есенска комбинација на која нема да можете да ...
Препорачуваме
Најчитани неделава
