За деновите кога не броиме калории: Богат и сочен чоко-колач со банани и путер од кикиритки
Се прави лесно, а целиот дом ќе ви мириса ароматично на ова вкусно колаче дури и неколку дена подоцна.
Ќе си го грицкате со уживање и сласт заедно со шолја од омилениот топол напиток. Комбинацијата од банани, какао, чоколадо и путер од кикиритки го освојува непцето.
Направете го уште денес и заборавете на зборот диета и броењето калории.
Потребни состојки:
- 3 зрели банани
- 300 g просеано брашно
- 1 ќесичка прашок за печиво
- прстофат сол и малку цимет
- 2 јајца
- 80 g темно чоколадо
- 100 g кафеав шеќер
- 2 лажици какао
- 100 g путер од кикиритки
- 60 g масло
- 100 g јогурт
Начин на подготовка:
- Загрејте ја рерната на 180 степени. Калапот за колачот премачкајте го со путер и наросете брашно.
- Изгмечете ги добро бананите. Растопете го чоколадото на пареа и измешајте го со какаото во прав.
- Измешајте ги сувите состојки во еден сад, а во друг измешајте ги јајцата, додадете ги изгмечените банани, јогуртот и маслото. Комбинирајте ја оваа смеса со сувите состојки.
- Смесата поделете ја на два дела, во едниот дел ставете го путерот од кикиритки, а во другиот дел чоколадото.
- Наизменично ставајте малку од едната, па од другата смеса додека не ги потрошите двете. Печете 50 минути.
- По желба, премачкајте го колачот со малку стопено чоколадо, готов карамел, малку шлаг и сечкани кикиритки или пак прелијте го со мазен путер од кикиритки.
(О)Милена | Црнобело
Би можело да ве интересира:
Здрава ресана торта, подготвена во блендер
Портокал, чоколадо, јаворов сируп, ванила... оваа торта е вистински здрав делика...
Рецепт за најбрзиот десерт од само 3 состојки
Што можете да подготвите за десерт набрзина, без да губите премногу време? За ов...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепт за пилешко полнето со печурки и пармезан
Ако досега не сте зготвиле пилешки гради на овој начин, пробајте ги веднаш - нем...
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Прсти да излижете: Баунти колач со кокос и Орео колачиња, што не се пече
Од овој колач задолжително ќе барате парче плус, а е омилен им е на сите оние шт...
Препорачуваме
Најчитани неделава
