Најдоброто „Маргарита“ пилешко кое ќе го пробате во животот – ќе ви потечат лиги
Сме прочитале и испробале стотици рецепти за пилешко во животот и сепак, никогаш доста. Обожаваме пилешко затоа што се подготвува брзо и лесно, вкусно е, здраво и може да се комбинира со многу други состојки, а вкусот секогаш да биде фантастичен.
Овојпат, инспирирани од Медитеранот, испробајте го пилешкото „Маргарита“ од кое дефинитивно ќе ви потечат лиги.
Потребни состојки:
- 1 лажица ладно цедено маслиново масло
- 500 g пилешки гради
- Суво оригано, сол, црн бибер
- ¼ шолја бело вино
- 4 лажици путер
- 3 чешниња исечкан лук
- Сок од 1 свежо цеден лимон
- 1 шолја рендана моцарела
- 1 шолја песто сос
- 2 шолји сечкани шери домати
- Малку рендан пармезан (по желба)
Начин на подготовка:
- Во длабока тава за готвење, на средна температура, загрејте го маслото. Зачинете го пилешкото месо со сол, бибер, оригано, или други зачини по вкус.
- Ставете го во тавата и гответе додека добро не порумени, околу 6 минути од секоја страна поединечно.
- Префрлете го пилешкото на чинија. Истурете го белото вино во тавата во којашто се пржеше месото и почнете да мешате со дрвена лажица.
- Додадете го путерот и мешајте додека целосно не се растопи. Потоа додадете го сокот од лимон и лукот.
- Вратете го пилешкото месо во тавата и врз секое парче ставете моцарела. Почекајте додека целосно не се стопи, околу 1 минута.
- Ставете песто сос врз моцарелата, додадете ги шери доматите и по желба ставете рендан пармезан.
Послужете додека е топло.
(О)Милена | Црнобело
Би можело да ве интересира:
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Сочно пилешко во сос од сенф и кари
Ако немате идеја за ручек или сакате да зготвите нешто вкусно кога ќе поканите г...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Рецепт за најбрзиот десерт од само 3 состојки
Што можете да подготвите за десерт набрзина, без да губите премногу време? За ов...
Препорачуваме
Најчитани неделава
