Посен ручек по рецепт на Dave’s Kitchen – ќофтиња кои се прават за 15 минути
На сите оние што веќе не знаат што да зготват за време на велигденските пости, рецептот на Давор Панчевски познат како Dave’s Kitchen, ќе им биде од голема корист.
фото: Dave's Kitchen
Ако веќе ги пробавте сите традиционални ручеци, ви се смачи од манџи, а и од сува храна, ви нудиме превкусни ќофтиња во кои нема месо.
Ќофтињата од брокула се идеална замена за месото во посниот период, а може да ги пробаат и сите вегетеријанци.
Се прават за 15 минути, а во нив може да ужива цело семејство.
Потребни состојки:
- 1 средна главица брокула или 300 г замрзната брокула
- 1 мала главица кромид
- 1 чешне лук
- 2 средни моркови
- 2 лажици магдонос
- 2 јајца
- 1 лажичка буковец лут или благ
- 1 лажичка шарена сол
- Сол и мелен црн пипер по вкус
- 70 г лебни трошки
- Масло за јадење
Начин на подготовка:
- Во тенџере со зовриена вода ставете ја брокулата поделена на помали делови да се обари околу 1 минута. Потоа прецедете ја и поминете ја низ студена вода.
- На даска за сечкање, исечкајте ја ситно брокулата и ставете ја во длабок сад.
- Во садот додадете го ситно исечканиот лук и кромид. Морковите исто така ситно исечкајте ги и додадете ги во садот.
- Потоа додадете ги јајцата, магдоносот, буковецот, шарената сол, солта и мелениот црн пипер. Добро измешајте со помош на виљушка и додадете ги лебните трошки.
- Повторно промешајте и со лажичка или со дланка оформете ги ќофтенцата.
- Наредете ги на хартија за печење и полејте по малку масло за јадење врз секое ќофтенце.
- Печете во загреана рерна на 200 степени околу 10-15 минути.
- Сервирајте со кисела павлака.
М. М. | Црнобело
Би можело да ве интересира:
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Рецепт за мини погачи со моцарела и копар, меки како душа
Направете домашни мини погачи со копар и моцарела - нема да дочекате да остинат ...
Рецепт за нудли со сусам и лук, совршен брз ручек за постите
Гладни сте и сакате да јадете нешто топло, но да го подготвите набрзина? За овој...
Рецепт за сладок божиќен венец со Нутела
Пред новогодишните празници можете да го пробате рецептот за овој вкусен божиќен...
Рецепт за кремасто орзо со пилешко и лимон
Ако досега не сте ги вклучиле орзо тестенините во своето мени, ви предлагаме да ...
Рецепт за ѓевречиња со фета сирење
Децата ќе ги обожаваат, а ни гостите нема да може да им одолеат - овие ѓевречиња...
Препорачуваме
Најчитани неделава
