Италијански рецепти: Совршени равиоли на два начина и десерт со рибизли
Денес, на менито во склоп на неделата на италијанска кујна имаме два рецепти за паста - равиоли и неодолив десерт со рибизли. Подготвени?
Засукајте ги ракавите:
1. Отворени равиоли, тиква, шампињони, путер од лешник (Ravioli aperti, zucca, funghi Champignon, burro e nocciola)
Порција за 4 лица
За тестото:
- 200g брашно тип 400
- 40g брашно од дурум пченица
- 176g жолчки од јајце
За филот од тиква:
- 600g тиква
- 200g рендан пармезан (parmigiano reggiano)
- 80g течна павлака
- 15g путер
- 15g mostarda (слатко со сенф)
- сол
- бибер
За рагу од печурки:
- 160g шампињони
- 10g путер
- 10g праз
- 2g тамари (јапонски соја сос)
За путер од лешник со зачини:
- 80g путер
- Жалфија
- Мајчина душица
За пржените печурки:
- 40g шампињони
- Масло за пржење
Други состојки:
- 80g печурки во прав
- 40g семки од тиква
- 10ml umeboshi (јапонски сос)
Постапка:
- Се замесуваат двата вида брашно и жолчките сѐ додека не се добие цврсто и мазно тесто, од него се прави топка и се остава да отстои 15 минути завиткано во проѕирна фолија.
- Потоа се зема една четвртина од тестото, се сплескува со раце и се поминува низ машина за влечење кори, постепено истенчувајќи ја кората до дебелина 2мм.
- Од така извлечената кора се добиваат 8 квадратни парчиња со димензија 10 х 10 цм. Пред послужување се варат кратко во солена вода.
- Тиквата се мие и се сече на парчиња, се пече во рерна на 180° околу 30 минути, а потоа се лупи.
- Во блендер се прави смеса од тиква, мостарда, путер, пармезан и павлака и се готви на 60° околу 5 минути, додека не добие мазна и кремаста структура.
- На крајот се додава сол, бибер и кора од лимон по желба.
- Во тенџере се запечуваат семките од тиква, им се додава умебоши сосот и се остава да испари. Семките се оставаат да се изладат.
- Печурките се сечат на тенки резанки и се пржат во масло на 140°.
- Во еден сад се загрева путерот до 120°, потоа се трга од оган и му се додаваат тревките.
- Печурките за рагу се сечкаат на ситни парчиња и се пропржуваат во тава со путер и праз, а на крајот им се додава тамари сосот и се остава да испари на оган.
Послужување:
Се формира отворена равиола составена од две кори, измеѓу кои се става филот од тиква, сето се гарнира со рагу од печурки, чипс од печурки, путерот од лешник, семките од тиква и печурките во прав.
2. Равиоли полнети со грав и чадена рикота, во супа од коприва и крцкава дива артичока (Ravioli ripieni di fagioli e ricotta affumicata in zuppa di ortiche e cardi croccanti)
Состојки за 4 лица:
- 90g вода
- 150g бело брашно
- 30g брашно од ориз
- 100g сув шарен грав
- 1 гранче целер
- 1 морков
- 1 кромид
- 4 листа лорбер
- 5 зрна див бибер
- 100g чадена рикота
- 30g нане
- 80g листови коприва
- 1 гранче од дива артичока
- 12 листа од добричица, за декорација
- сол
- масло
Постапка:
- Гравот се остава да кисне во вода најмалку 12 часа, потоа водата се исцедува, а гравот се става во лонец со ладна вода и се остава да врие.
- Откако ќе зоврие, гравот се цеди, а тенџерето повторно се полни со ладна вода во која се става гравот, гранчето целер, морковот, кромидот, лорберот и биберот и повторно се зоврива. На крајот гравот се блендира и се поминува низ цедалка за да се добие хомогена крема.
- Чадената рикота се ренда и се додава во кремата од грав.
- Од брашното и водата се замесува еластично тесто и се остава да одмори 15 минути. Потоа се развлекува и од корите се прават равиоли кои се филуваат со кремата од грав.
- 500 мл вода се загрева до вриење, а потоа се трга од оган и во неа се става нането да стои 10 минути. Потоа водата се процедува.
- Во меѓувреме листовите коприва кратко се варат и потоа се ставаат во блендер заедно со една лажица масло и водата со вкус на нане и од тоа се добива супа. Се додава сол и бибер по желба.
- Гранчето од дива артичока се сече на коцкички и многу кратко се зоврива.
- Равиолите се варат во солена вода, се цедат и се ставаат во тава да се запечат од долната страна.
Послужување:
Во длабока чинија се ставаат во средина коцкичите од дива артичока, а околу нив се редат 5 равиоли. Сето се полева со супата. Се декорира со листови од добричица.
3. „Сакам да сум рибизла“ - “Volevo essere un ribes “
За 4 лица
Состојки за ронливото тесто:
- 150g путер
- 100g шеќер
- 40g јајца
- 220g брашно
- 40g какао
За панакота од лешник:
- 350ml течна павлака
- 100g паста од лешник
- 90g шеќер
- 8g желатин
- 40g вода
За желатин од Cassis:
- 150g Cassis
- 7,5g растителен желатин
Постапка:
- Со миксер се мешаат брашното и какаото со ладниот путер (10°) на коцки, потоа се додава шеќерот и на крај јајцето се додава постепено.
- Тестото се остава да отстои во фрижидер 2 часа.
- Потоа се поминува тестото низ широко сито за да се добие зрнест ефект. Ладното тесто (од фрижидер) се пече во рерна на 165° околу 14 минути.
- Павлаката се загрева, ѝ се додаваат шеќерот и пастата од лешник.
- Желатинот се потопува во вода. според упатството.
- Кога смесата од павлака ќе достигне температура од 70°, се додава исцедениот желатин.
- Со смесата се полни силиконски калап во форма на сфери и се замрзнува. Кога сферите ќе бидат сосема стврднати, во лонче се ставаат ликерот и растителниот желатин, се доведуваат до вриење и со таа смеса се преливаат претходно подготвените сфери.
- Десертот се склопува така што на чинијата со лажица се става малку изронето тесто, а околу него се редат 5 сфери од панакота.
Би можело да ве интересира:
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
5 предлог посни рецепти за деновите кога не знаете што да јадете
Пет рецепти без масло и со масло за деновите додека трае постот. Што можете да п...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Препорачуваме
Најчитани неделава
