Полнети, запечени палачинки со сезонски зеленчук
Полнење кое наликува на познатиот француски специјалитет рататуи, овој рецепт ќе ве воодушеви поради својата едноставност и добриот вкус.
Во стандардната смеса за палачинки наместо шеќер додадете само сол, а може да ги зачините дополнително со омилените зачини. Одлична идеја е да додадете магдонос, малку куркума, димена црвена пиперка или чили зачин.
Доколку сте љубители на месо слободно можете покрај полнењето со зеленчук да додадете и колбас или малку сланина.
Потребни состојки
Зеленчукот може да биде по избор зависно од сезоната, а количината по избор:
- Палачинки
- 1 црвена пиперка
- 1 кромид
- 1 патлиџан
- 1 тиквичка
- 1 чешне лук
- 400 g пелат домати
- Сол, бибер и свеж сечкан босилек
- Моцарела
- Кашкавал за одозгора
- Маслиново масло
Начин на подготовка:
- Во тава загрејте го маслиновото масло па додадете го сечканиот кромид. Додадете го зеленчукот исечкан на коцки и гответе околу 5 минути, а иситнетиот лук додадете го на крај, 20-тина секунди.
- Зачинете и додадете ги пелат доматите. На крајот ставете го свежиот босилек.
- Загрејте ја рерната на 200°C.
- Наполнете ја секоја палачинка со подготвениот сос од зеленчук и додадете рендана моцарела, а потоа завиткајте ја секоја.
- Подредете ги наполнетите палачинки во огноотпорен сад премачкан со масло и печете ги околу 10 минути.
- Пред крајот може да додадете кашкавал или моцарела одозгора и да печете додека не се растопи.
- По печењето може да ги прелиете со сос од грчки јогурт, зачини и лук, по желба, овој дел е опционален секако.
(О)Милена | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Сочно пилешко во сос од сенф и кари
Ако немате идеја за ручек или сакате да зготвите нешто вкусно кога ќе поканите г...
Препорачуваме
Најчитани неделава
