Највкусниот чоколаден колач без печење со фантастична глазура

Кремаста и чоколадна торта која ќе ја обожавате по првото залче. Се прави брзо и лесно, а се служи добро оладена после ручек или кафе.

Потребни состојки:

• Пакетче тенки кори за торта
• 1,5 l млеко
• 2 пудинзи од чоколадо
• 200g шеќер
• 4 лажици брашно
• 2 лажици густин
• 300g чоколадо за готвење
• 250g млечно Милка чоколадо
• 3 пакетчиња ванилин шеќер
• 200g путер или маргарин

За глазура:

• 50g путер или маргарин
• 50g млечна Милка чоколадо
• 1dl слатка павлака

Подготовка:

Загрејте литар млеко додека не зоврие, па во него помешајте го преостанатото млеко со пудинг, брашно, густин и шеќер.

Кога кремот ќе биде готов тргнете од оган и додадете го чоколадото да се растопи. Прво мешајте со дрвена лажица, па потоа неколку минути со миксер.

Измешајте го маргаринот или путерот со ванилин шеќер и додајте го во оладениот крем.

Премачкувајте ги корите со по еден дебел слој крем се додека не го потрошите материјалот.

На крај, стопете ги сите состојки за глазурата на пареа и прелијте ја целата торта. Сечете коцки или правоаголници и послужете ги оладени.