Евтин и вкусен рецепт: Од 4 портокали добијте 9 литри сок

Вкусот на овој сок е ист како на оној што го купуваме од продавниците, единствено разликата е во тоа што сокот кој самите ќе си го направите е навистина 100% природен.

Најважно е сѐ да правите според рецептот, а за подготовка на овој сок треба да одвоите околу 1 час.

За подготовка потребно ви е следново:

• 4 портокали
• 1 kg шеќер
• 30 gr лимонска киселина
• 9l вода

Начин на подготовка:

1. Измијте ги портокалите и прелијте ги со зовриена вода, со цел да ја отстраните горчината од нив, избришете ги и сместете ги во ладилник 1 до 2 часа.

2. Извадете ги од ладилникот, исечкајте ги и сомелете ги на машина за мелење месо.

3. Смесата прелијте ја со 3l вода (филтрирана или зовриена па изладена). Потоа оставете ја смесата да постои 10 минути.

4. Исцедете ја смесата со помош на цедалка.

5. Во процедениот сок додајте 6l вода, шеќер и лимонска киселина. Добро промешајте, додека да се стопи шеќерот, а можете да го оставите и да постои.

6. Истурете го сокот во однапред подготвени шишиња или тегли и вашиот вкусен сок е подготвен за употреба.

Поради тоа што лимонската киселина е природен конзерванс, сокот можете да го чувате во ладилник 10тина дена, а неговата количина можете да ја прилагодите според своите потреби со тоа што ќе ја намалите или зголемите количината на состојките.