Како за 250 денари да направите посни колачиња за 4 лица?

Во екот на празниците изборот на колачиња е сè поголем, но често пати парите знаат да бидат проблем.

Ако некогаш ви е потребно да заштедите време и пари, а сепак да имате нешто сочно и слатко, подгответе ги овие посни чоколадни бомбици.

Состојки:

• 150g  шеќер
• 3 лажици вода
• 160g мелени посни бисквити
• 30g мелени лешници
• 50g крупно сечкани лешници
• 50g чоколадо за готвење (задолжително проверете ги состојките дали е посно)

Подготовка:

Истопете го шеќерот додека добиете златно жолта боја, а потоа додајте ја водата. Мешајте додека шеќерот не се растопи.

Истурете ги мелените лешници и бисквитите, а потоа промешајте додека не добиете еднолична смеса.

Оставете ја мешавината да се олади.

Намокрете ги рацете, обликувајте топчиња и валкајте ги во растопеното чоколадо.

Проросете ги со ситно сечканите лешници и ставете ги во замрзнувач.

Послужете и уживајте!