Рецепт за најубавите домашни принцес крофни
Принцес крофните се подготвуваат толку безо и лесно, што ако ги направите еднаш, долго време нема да сакате да правите друг десерт.
Некои вкусови си стануваат омилени уште со првиот залак.
Токму такви се и принцес крофните, чиј фил е толку мек и кремаст, што ќе обожавате да ги јадете, а нема да ви е мака ни да ги подготвите, бидејќи се спремаат „за час“.
Потребни состојки:
- 1 кесичка готово тесто за принцес крофни (има околу 20 парчиња)
- 600ml млеко
- 2 кесички пудинг од ванила
- 3 кесички ванилин шеќер
- 5-6 лажици шеќер
- 2 жолчки
- 1,5 лажица густин
- 150g маргарин
- 100g путер
- 3 лажици шеќер во прав
Начин на подготовка:
- Во длабоко тенџере се става млекото да зоврие.
- Потоа тенџерето со млеко се става над друг сад со вода што врие, за кремот да се готви над пареа.
- Во млекото што врие се додаваат 2 пудинга од ванила претходно растворени со малку млеко.
- Во пудингот се ставаат 2 жолчки, 5 лажици шеќер, ванилата и густинот.
- Сето ова се меша со жица без престан за кремот да згусне. Ако не ви е доволно благ, додајте уште 1 лажица шеќер.
- Кога ќе биде кремот готов се трга на страна за да се олади.
- Во меѓувреме, во друг сад се матат путерот, маргаринот, шеќерот во прав.
- Во оваа смеса се става лажица по лажица од изладениот жолт крем и се мати со миксер за да се добие мазна смеса.
- Тестата за принцес крофни се сечат на половина, па се полнат со готовата смеса.
- Украсете ги со шеќер во прав или чоколаден прелив пред да ги послужите.
А. Ј. | Црнобело
Би можело да ве интересира:
Рецепт за божиќни путер колачиња
Внесете ја празничната магија во вашиот дом и нека замириса на превкусни путер к...
Рецепт за кремасто орзо со пилешко и лимон
Ако досега не сте ги вклучиле орзо тестенините во своето мени, ви предлагаме да ...
Рецепт за мекици, од домашниот тефтер на мајките и бабите
Ако сте љубител на мекици, не мора да чекате да се роди ново бебе, може да си ги...
Рецепт за ѓевречиња со фета сирење
Децата ќе ги обожаваат, а ни гостите нема да може да им одолеат - овие ѓевречиња...
Крофни полнети со крем и крцкав карамел, по француски рецепт
Вкусни, кремасти и крцкави - ќе ги обожавате овие крофни... Љубител сте на ...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Препорачуваме
Најчитани неделава
