Пикантни тестенини со путер од кикиритки и чили, готови за 10 минути
Ако сте љубител на пикантни јадења со необичен вкус, тогаш мора да ги пробате овие тестенини со путер од кикиритки и чили пиперчиња.
Некогаш, едноставно, ви е здодеано од класичните рецепти и сакате да пробате нешто ново и поинакво.
Токму затоа ви го нудиме овој рецепт – тестенини со путер од кикиритки, кои се подготвуваат за десетина минути.
Дали би ги пробале?
Потребни состојки:
- 1 ќесичка јуфки
- 2-3 лажици путер од кикиритки
- 1 лажица соја сос
- 1 лажица маслиново масло (или масло со вкус на сусам или чили)
- 1-2 лажички чили пиперчиња ситно сечкани
- ½ лажичка оцет
- 1-2 лажички шеќер
- 2-3 лажици вода
- 2 чешниња лук
- Младо кромитче и сусам (по желба)
Начин на подготовка:
- Во длабок сад со вода што врие ставете ги јуфките да се варат според упатството на ќесичката.
- Додека тие се варат, ставете го маслиновото масло да се загрева во тава, па веднаш ставете ги двете чешниња лук кои сте ги исечкале ситно.
- Спојте го путерот од кикиритки со соја сосот, ситно сечканите чили пиперчиња, додајте ги оцетот, шеќерот и водата и мешајте додека смесата не се спои убаво.
- Ставете ја во лукот кој е веќе малку запржен и убаво измешајте.
- Во смесата ставете ги сварените тестенини, кои сте ги исцедиле од водата, па спојте ги сите состојки.
- По вкус можете да додадете малку сусам или младо кромитче.
- Послужете ги топли.
Видео постапка:
А. Ј. | Црнобело
Би можело да ве интересира:
Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето п...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
Рецепт за најбрзиот десерт од само 3 состојки
Што можете да подготвите за десерт набрзина, без да губите премногу време? За ов...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Препорачуваме
Најчитани неделава
