Подгответе шејк од киви кој ќе ви ја подигне енергијата

Ако не знаете како да се справите со првите високи температури, како да останете хидрирани и да ја вратите енергијата за работниот ден кој следи, вреди да го испробате вкусниот шејк од киви и јогурт.

Кивито ќе ви ја врати потребната количина на витамин Ц во организмот и ќе ве одржи свежи и ќе ви го зајакне имунитетот. Покрај тоа, ова зелено овошје е идеален лек против измореното, мрзеливо тело.

Јогуртот е одличен за регулирање на цревната флора и подигнување на имунитетот. Покрај тоа, освежителниот вкус е нешто што секој го обожава.

За подготовка на оваа енергетска, освежителна бомба потребни ви се 3 киви, 200ml јогурт, сок од половина лимон, лажичка мед.

Излупете ги кивите, исечкајте ги на коцки и ставете ги во блендер. Додајте го јогуртот, сокот од лимон и лажичката мед, па добро измиксирајте.

Ставете неколку коцки мраз за разладување и испијте го шејкот наутро, наместо кафе.