Јапонска диета поради која пејачката Милица Павловиќ изгледа фит – за 14 дена се слабее и до 8kg

Српската пејачка Милица Павловиќ (30) од почетокот на кариерата плени со својот изглед. 

За да остане витка таа сепак внимава на исхраната, а своевремено ја практикувала и т.н. jапонска диета со банани.

„Пријателите ми го кажаа овој начин на исхрана, па добив информации на интернет и им го препорачувам на сите. Секако, со лекарска консултација. Ништо без тоа. Секој мора да најде што најмногу му одговара на неговиот метаболизам“ изјави пејачката.

Но, каква е јапонската диета?

Станува збор за двонеделна диета која комбинира механизми за забрзување на метаболизмот и промена на навиките, а потсетува на начинот на исхрана кој е застапен во Јапонија.

Во текот на двете недели е забрането консумирање на шеќер, алкохолни пијалаци, вештачки сокови, брашно, а се препорачува да се намали солта на минимум – толку многу што храната е речиси целосно несолена.

Се препорачува зголемен внес на вода, како и лесна физичка активност. Дури и половина час пешачење ќе ви помогне, ако не сте премногу активни.

Храна што треба да се внесува: риба, ориз, житарки, производи од соја. Исто така, многу свежо овошје, јајца, кафе и чај.

Пример за тоа како изгледа менито на Милица Павловиќ:

Појадок: 3 банани. Дозволено е да се консумира само вода или чаша млеко со малку маснотии, покрај бананите.

Ручек: Зеленчук зготвен на пареа со говедско месо, рибја чорба или интегрални тестенини со сос од домати. Со секој оброк може да јадете зелена салата. Можете да јадете и банана помеѓу оброците, но направете пауза од 4 часа помеѓу двата оброка.

Вечера: пилешко на скара, мисиркино, говедско месо или риба. Исто така, додадете и салата по желба.

Последниот оброк консумирајте го најдоцна до 20 часот, а пожелно е да си легнете 4 часа подоцна.

Доколку ја практикувате оваа диета, за 14 дена може да се изгубат и до 8 килограми, но секое тело реагира различно и важно е да се консултирате со стручно лице. 

(О)Милена | Црнобело