На гости кај Боро: Есенски украсен стан во Скопје со тикви со најразлични форми, бои и текстури (фото)

„Јас ја обожавам есента, затоа што ова е време да ги извадите џемперите, ќебињата, перниците со есенски мотиви  и да испиете греено вино и да вкусите десерти што мирисаат на есен“, споделува Боро Секуловски од Скопје за CRNOBELO.com.

Боро Секуловски од Скопје е познат како вљубеник во уредувањето на домот, а секоја сезона тој тематски го краси.

Овојпат во неговиот дом владее вистинска есенска атмосфера.

Боро за CRNOBELO.com открива зошто ја обожава есента и кои материјали ги користел при китењето:

„Најмногу ја сакам есента од сите годишни времиња. Се разбира, пролетта, летото и зимата имаат место во нашите срца, но тешко е да се победи ладен есенски ден.

Време е да ги извадите џемперите, ќебињата, перниците со есенски мотиви ,  и да испиете греено вино и да вкусите десерти што мирисаат на есен.

Од создавање на овие забавни есенски декорации до избор на совршена тиква за да уживате вие и вашето семејство во овој период од годината имате многу начини да останете дома, бидејќи времето и не многу ни дозволува да престојуваме надвор.

Во моментов, времето е речиси совршено, што го прави апсолутно идеално да уживате во најубавите погледи од вашите домови.

Навистина нема подобро време за разгледување на прекрасните пејзажи што ги нуди нашата земја.

Уживаме со пријателите и семејството со кои можеме да испиеме чашка добро вино и вкусна храна и долги убави муабети.

Искористете го максимумот од есента и уживајте во сè што доаѓа со неа - пријатна атмосфера и многу други работи што ве прават среќни.“

Повеќе фотографии од домот на Боро на следната страна...