Како изгледаше домот на маж ми пред да се вселам јас, а како изгледа сега? (фото)

Досега сме виделе поголем број трансформации на домови, но ова е една невообичаена фото сесија на една корисничка на социјалната мрежа Reddit, што покажува колку значи кога во домот има „женска рака“.

Корисничката на Reddit пишува под псевдонимот @mimimeme2 во заедницата за декорирање на домот објави низа фотографии на кои се гледа како изгледал домот на нејзиниот сопруг пред таа да се всели таму, а како изгледа сега.

Велат дека од далеку може да се познае кога во куќата има жена што знае како да му даде топлина и светлина на просторот, а овие фотографии по сè изгледа се вистински доказ за тоа.

„Вака изгледаше дневната соба на мојот сопруг, пред да се вселам јас, а вака изгледа сега откако го уредив просторот“ – напиша таа над фотографиите.

Како што може да се види од самите фотографии, таа му дала живот на просторот така што го заменила стариот и дотраен мебел со нов, ги отстранила старите завеси и додала неколку украси.

На фотографиите по реновирањето можеме да видиме дека целиот простор бил обоен во бело, биле донесени свежи цвеќиња и секако нови тренди полици и кошници, како и бројни детали што прават просторот да изгледа помодерно.

Особено се интересни огледалата со „макрами“ рамки во различни големини, како и новата удобна сива софа што се наоѓа во дневната соба.

Погледнете ја разликата во продолжение:

Б. С. Б. | Црнобело