Ретро ентериери кои се враќаат во мода

Сè што е добро и убаво, кога-тогаш се враќа. Ова особено важи за модата, но и за трендовите на внатрешно уредување на домот.

Колку и да мислите дека во денешно време се измислува нешто ново, всушност сè е некаква реинтерпретација на нешто друго што веќе постои. Трендовите циклираат низ годините, а сега во ентериерите се враќа препознатливиот дизајн од 50-тите и 60-тите години.

Ви треба идеја како да уредите дома? Обидете се со вметнување ретро елементи:

Арт деко ентериери

Минималистичкиот пристап дојде по „нападниот“ арт деко стил кој се карактеризира со орнаменти, симетрија и геометриски форми.

Ретро елементи

Впечатливи ролетни, антички вазни, собни растенија, ламби, сето тоа во различни бои и форми, но вклопени со вкус и префинетост.

Стил на 70-тите

Зелена, портокалова и кафеава, но и сенф-жолта се боите кои ги одбележаа 70-тите кога е во прашање дизајнот на ентериери. Експериментирајте со оваа палета, но со посмирени тонови.

Хромирани површини

Еден од некогашните трендови е изборот на мебел со хромирани ногарки, наслони и други елементи кои со сјајот даваат контраст во просторот.

Е. Д. | Црнобело