11 клучни грешки кои ги правите при уредување на кујната и како да ги поправите

Претерано отворени полици

Кога полиците се отворени многу повеќе се собира прашина и треба да се чистат почесто отколку кога се затворени. Плус, поголема е веројатноста работите да паднат и да се скршат или истурат.

Ако веќе имате отворени, само направете вратички, а ако сепак сакате да има ефект како да се отворени, ставете стаклени врати.

Не оставате простор за кујнските апарати

Микробранова печка, кафемат, тостер и блендер – сите овие работи зафаќаат простор, а се користат речиси секојдневно па мора да ви бидат на дофат. Затоа треба однапред да испланирате простор за сите нив.

Дали тоа ќе биде посебно шкафче само за најприоритетните неколку апарати (без да ги измешате со сите останати и да настане хаос) или ќе оставите посебен простор на работната маса – изборот е ваш.

Не го организирате добро просторот под мијалникот

Работите под мијалникот мора да бидат добро организирани, посебно ако кујната е мала. Но, важно е и да оставите пристап до цевките во случај на проблем.

Ставете полици или корпи кои може лесно да се извадат ако има потреба да се поправа нешто. Избегнувајте фиоки и премногу натрупани работи кои може само да ви одземат време и нерви во итни ситуации.

Бирате погрешна висина за работната маса

Висината на работната маса е обично стандардна, но на високите луѓе сигурно не им е пријатно секој ден да работат на маса која е висока само 85 cm. за да го решите проблемот одберете вистинска висина на долната подлога и на горната површина со кои може да се добијат уште неколку сантиметри плус. Сѐ зависи од желбата на купувачите.

Не обрнувате внимание на триаголникот за работа во кујна

Триаголникот се состои од најчесто користените делови н акујната – фрижидер, шпорет и мијалник.

Идеално, сите 3 зони треба да бидат блиску поставени за да не мора да шетате по цела кујна со јадењето во рака. Но, истовремено и не треба да бидат премногу блиску и меѓу нив треба да има работна маса.

Најважно е да разберете дека кујната не треба само да изгледа убаво туку треба да биде и функционална, па најдобро е тоа да го имате во предвид пред да почнете да ја правите.

М. М. | Црнобело