11 класични парчиња мебел кои никогаш не излегуваат од мода

Трендовите доаѓаат и си заминуваат, но постојат одредени парчиња кои секогаш ќе бидат шик и во мода, без оглед на декадата и времето кое поминува.

Овие 11 безвременски парчиња совршено се вклопуваат скоро во секоја шема на внатрешно уредување. Купувањето на едно од нив значи дека ќе го имате за цел живот и колку и да ви се менува вкусот, тие се тука да останат засекогаш.

Погледнете ги 11-те класични парчиња и создадете пријатен, удобен и безвременски дом.

Дали веќе имате некое дома? Доколку одговор е не, време е да ја поправите грешката:

Када со ногарки

Оваа када се популаризирала кон крајот на 19-тиот век и претставува луксузно парче кое нуди мал рај за релаксација и опуштање. Наместо вградлива, одберете када со ногарки бидејќи изгледа стилски и рафинирано, а и чистењето е многу полесно.

„Честерфилд“ софа

Класично парче мебел кое потсетува на старински библиотеки или собите за состаноци во Англија во минатото. Оваа пространа и удобна софа има уникатна ромбоидна текстура и никогаш нема да излезе од мода, без оглед дали е изработена од класичен текстилен материјал или кожа.

Столче во стилот на кралот Луј XV

Безвременско француско парче мебел со квадратна облегалка, најчесто изработена со истиот материјал, односно дезен како и делот на кој седиме. Овие столчиња одговараат на повеќе типови трпезариски маси, но пред сé друго се неверојатно удобни.

„Барселона каучот“ на Лудвиг Мис ван дер Рое

Дизајниран во 1930-тата година од страна на германско-американскиот архитект, каучот „Барселона“ нуди елегантна и модерна едноставност на просторот. Фотелјата со истоимениот назив е исто така прекрасно парче мебел, но овој кауч на кој може да се испружиме во комбинација со кружното долгнавесто перниче одлични се вклопува како во модерен, така и во потрадиционален ентериер.

Огледалото на Луј Филип

Оваа огледална форма отскокнува од класичните, во долниот дел е со остри агли, додека горниот е со благо заоблени. Името го добило по ранцускиот крал кој владеел во средината на 19-тиот век, а денеска огледалата се достапни во различни облици и со различен финиш – мат, сјаен, метален или каков и да посакате.

Одлично се вклопуваат во дневниот престој над каминот, но и во спалната соба или пак купатилото.

Лампа со фокусирано осветлување

Ова е веројатно најкласичната форма на лампа која се среќава на бироата за работа во помала форма или покрај креветот во поголема верзија, и е совршена за работа и читање поради снопот светлина кој може да се насочи онаму каде што е потребен.

Мијалник на пиедестална основа

Белиот порцелански мијалник или лавабо кое слично како кадата со ногарки не е вградено, туку е поставено на основа има одреден винтиџ шарм кој го оплеменува просторот. Основата на која е поставен обично делува како извајано и го прави безвременско парче санитарија.

Постелнина како во хотелите

Бели постелнини со совршени рабови, толку блескави и „крцкави“ што веднаш посакувате да си прилегнете, надополнети со сошиени обележани рабови во контрастна боја.

Кружната маса на Еро Саринен

Дизајнирана од страна на финско-американскиот архитект Еро Саринен во доцните ’50-ти години на минатиот век, денес оваа висока кружна маса се репродуцира во многубројни облици, големини и материјали. Но, основата останува иста, слободен простор на површината, без досадните ногарки кои се плеткаат околу нозете.

Обложена даска на креветот

Одличен додаток на секој кревет за спиење со текстура која потсетува на „Честерфилд“ софата за седење. Изборот на бои и материјали од кои може да биде изработена задната даска на креветот позади перниците е речиси бесконечен.

Кристален лустер

За доза гламур и елеганција во домот едноставно мора да имате барем еден кристален лустер, а за постигнување неочекуван и интересен стилски ентериер може да го ставите во спалната соба.

(О)Милена | Црнобело