„Уредуваме скандинавски, а и така живееме“: Во домот на Боро Секуловски од Скопје (фото)
- Детали
- сабота, 04 јули 2020
Познат е како Боро КОСА, а неговото главно мото е од малку и просечно да направи многу и одлично и тоа дефинитивно му оди од рака, особено во уредувањето на неговиот дом. Ајде да ѕирнеме како изгледа неговиот стилски стан во Ново Лисиче…
Боро Секуловски има 40 години и вели дека го обожава Скопје затоа што тоа е градот кадешто е роден, живее и работи. Неговиот дом се наоѓа во населбата Ново Лисиче.
За својата професија вели:
„Пред 15 години работев во различни компании, но откако заедно со сопругата го основавме фризерското студио КОСА, кое успешно работи веќе 15 години, тука се пронајдов… И да, не сум фризер, во студиото го работам делот за PR, каде секојдневно се сретнувам со нови и интересни предизвици и комуникации со клиентите кои го посетуваат нашето студио. Едноставно секоја работа која се работи со љубов, не може да биде здодевна.“
За уредувањето на својот стилски дом за CRNOBELO.com открива:
„Покрај студиото, во животот ме исполнуваат убаво уредени домови,исто како што ме исполнува и домот во кој живеам, каде секојдневно добивам инспирација што да се промени. Сè што е поврзано со уредување, мода и храна ме исполнува,а и на мојот Инстаграм профил @boro.kosa ќе забележите најмногу фотографии од домашно уредување, храна и мода.
Ќе се повторам со една реченица, којашто е и мое мото, а тоа е дека УСПЕВАМ ОД МАЛКУ И ПРОСЕЧНО, ДА НАПРАВАМ МНОГУ И ОДЛИЧНО.
За идеите во уредувањето ќе кажам дека повеќето се мој личен печат, како и на мојата сопруга … Секој дом според мене треба да го отсликува карактерот на луѓето кои живеат во него.
Во нашиот дом можат да се забележат многу фенери и свеќници кој даваат пријатен амбиент, релаксирачка атмосфера и мир во душата.
Ние сме луѓе кој сакаат да го живеат, а и го живееме, скандинавскиот HYGGE начин на живот, каде покрај фенерите и многуте свеќници во домот преовладуваат удобни декоративни перници и ќебиња.
Продолжува на следната страна...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_109712_400.jpg)
![](https://www.crnobelo.com/media/com_jvrelatives/images/thumbs/com_content_111286_400.jpg)
![](https://www.crnobelo.com/media/com_jvrelatives/images/thumbs/com_content_104366_400.jpg)
![](https://www.crnobelo.com/media/com_jvrelatives/images/thumbs/com_content_106533_400.jpg)
![](https://www.crnobelo.com/media/com_jvrelatives/images/thumbs/com_content_103760_400.jpg)
![](https://www.crnobelo.com/media/com_jvrelatives/images/thumbs/com_content_106189_400.jpg)