Во домот на Тео од Скопје: Шик уреден стан во кој се спојуваат бохо и скандинавскиот стил со најновата паметна технологија

Детали

сабота, 27 јануари 2024

„Дневната соба е срцето на домот, отворен простор поврзан со два ходника и отворена кујна. Скандинавското влијание е видливо насекаде - во дневната соба тоа е белата мермерна клуб маса, плетените корпи од трска исполнети со многу растенија, волнени теписи и ќебиња со крупни плетки, декоративни држачи за растенија од макраме и бои инспирирани од природата“, вели Тео Трпески за својот дом во Скопје.

Тео Трпевски (34) живее во модерен стан од 52m² во населбата Карпош 3, уреден во бохо стил, со многу детали. Токму тие ја даваат топлината во домот, а Тео, пак, вели дека неговиот дом „има мирис на ванила и бебешка пудра“.

Тео за себе вели дека е креативна и несекојдневна индивидуа. Тој е графички и UI (кориснички интерфејс) дизајнер, програмер и дрег уметник/кралица позната како Tia Doll.

А, станот во кој живее потполно ги одразува неговите креативност, уникатност и смиреност.

За уредувањето на својот дом, тој раскажа во разговор за CRNOBELO.com:

„Станот, кој се простира на 52m², со внатрешен простор од 42m², е со скандинавски дизајн комбиниран со елементи на бохо appe like естетика.

Има мирис на бебешка пудра и ванила која е во мали дози и делува смирувачки, како да сте завиени во меко ќебенце.

Дневната соба е срцето на домот, отворен простор поврзан со два ходника и отворена кујна.

Воздушеста и лесна атмосфера која делува смирувачки, со топли светла, дрво, органски и мек текстил и изобилство од бел мебел кој се губи во просторот.

Во целиот стан е интегриран smart-home преку Apple екосистемот, со паметни додатоци кои ги контролираат светлата и апаратите на приклучоците, два Apple TV приклучени на два телевизора, паметни ролетни на секој прозорец, два бели HomePods паметни звучници, камери и други уреди, кои може да ги контролирате со гласна команда преку Siri или Apple уредите (телефони, компјутери...).

Скандинавското влијание е видливо во естетиката на станот.

Во дневната соба, тоа е белата мермерна клуб маса, плетените корпи од трска исполнети со многу растенија, волнени теписи и ќебиња со крупни плетки, декоративни држачи за растенија од макраме и бои инспирирани од природата, морето, шумите.

Принтови од растенија, морски бранови и сукуленти ги красат ѕидовите, а посебен пријатен елемент е скалата украсена со бели топки кои светат давајќи го оној Hygge момент.

Продолжува на следната страница...