Како изгледаат некои од најубавите детски градинки низ Европа?

Детали

четврток, 24 август 2023

Инспиративни простори, места за слободни активности, училници кои се игриви и колоритни, но и кои оставаат простор за развој на детската имагинација.

Ова се само 5 од некои од најубавите градинки на просторот на Источна Европа – сите се уредени комфорно, но се сепак многу различни.

1. Градинка во Полска, село Адамов (проектирана од xystudio)

Оваа градинка може да смести 50 дечиња. Зградата има две училници за групна работа и две игрални, уредено e едноставно и практично.

2. Градинка во Австрија (проектирана од Baukooperative)

Сместена e во прекрасна планинска околина, направенa е комбинација од постоечка архитектура во регионот, во комбинација со модерни насоки.

Светли простории со природна светлина обезбедена од големи стаклени прозорци кои гледаат кон градината.

3. Градинка во Словенија (проектирана од Arhitektura Jure Kotnik)

Оваа градинка има пространи простории за игра, поврзани меѓусебе со лизгачки врати со што децата лесно може да се мешаат – ова било и главен педагошки аспект при изработка на проектот.

Внатрешниот дизајн овозможува слободно движење на децата – сите соби со различни типови играчки се на располагање за секое дете. Зградата е направена од природни материјали и користени се многу бои.

4. Градинка во Австрија (проектирана од Innauer-Matt Architekten)

Во овој објект фокусот е на креирање мирна атмосфера, пријатно чувство и можност за комфор и релаксација во хармонија.

Природна светлина и рафинирани простории.

5. Градинка во Полска (проектирана од xystudio)

Објект дизајниран за големината на децата. Влезот и кровот е на висина од 2.3 метри за да биде попријатно за дечињата. Прозорците, исто така, се поставени на висина на децата.

Е. П. | Црнобело