4 секојдневни грешки кои ви го „уништуваат“ домот и хигиената во него

Метење на подот наместо темелно чистење и собирање на нечистотијата и уште неколку навики кои ги правите секојдневно, полека но сигурно на некој начин го уништуваат домот.

Има неколку грешки кои многумина ги прават несвесно и не знаат дека со тоа всушност прават полошо или барем не прават ништо подобро од претходно.

Проверете дали правите некоја од овие грешки:

Често го чистите домот само со метла

Иако е најбрзо решение да поминете низ подот со метла, сепак ова не е ефективно чистење и не ја елиминира нечистотијата која е задржана на некои места. Неопходно е да чистите со правосмукалка што почесто за темелно да ја отстраните прашината и нечистотијата.

Ја миете даската за сечкање со секаков детергент за садови

Иако детергентот за миење садови ги отстранува остатоците од храна на даската, сепак во микроскопските дупки од гребаниците има остатоци од храна, кои кога апсорбираат сапуница во себе, може подоцна да се пренесат на друга храна. Најдобро е да ја миете даската со вода и да ја дезинфицирате со хидоген.

Ја цедите водата од паста и ги истурате остатоците од кафе во мијалник

Минијатурните зрнца од кафе или талогот може да предизвика затнување на одводот. Истото важи  и за масната вода која ја цедите од пастата – оваа течност е полеплива и се таложи на ѕидовите на цевките.

Го местите креветот веднаш штом станете

Иако веројатно вака сте научени и сте сигурни дека е правилно да го постелите креветот веднаш по станување, грешите – посебно во лето.

Во постелнината живеат микроскопски организми кои се хранат со мртви клетки на човечката кожа, а топлината и влага се идеална средина за нивниот развој.

За да не создадете таква средина, отворете прозор и оставете постелнината да се проветри и дури потоа наместете го креветот.

М. М. | Црнобело