Кои се најчестите грешки во одгледувањето рози (заради кои изгледаат исушени во лето)?
Немојте да ги вадите во најголемите горештини. Не ги отстранувајте оштетените гранки. Знаете ли зошто се случува розите да делуваат целосно исушено во летниот период и како да ги спасите?
Розите се едни од најубавите растенија во градината, но сите што ги одгледуваат знаат дека во периодите на силни горештини, многу е тешко тие да се одржат здрави и да имаат убави и раскошни цветови.
Со оглед на тоа што во изминатите денови температурите беа над 40 степени Целзиусови, сосема е нормално растенијата да изгледаат овенато, без цветови или со подгорени цветови.
Вам ви е топло надвор, но розите се по цел ден изложени на сонце.
Во ваквите периоди, логично е растението да нема цветови затоа што ги чува своите резерви на вода и храна за да опстане.
Кои се најголемите грешки што не треба да ги правите во летниот период и на што треба да внимавате?
Не заборавајте во летниот период да ги наводнувате розите пообилно од вообичаено и да им обезбедите доволно течност.
Но, наводнувањето не треба да биде во периодите кога надвор е екстремно топло.
Капките вода на листовите за време на високи температури дејствуваат како лупа и ги горат нежните листови на растението.
Најдобро е наводнувањето да го вршите во доцните попладневни часови или откако ќе зајде сонцето, за да не им предизвикате на растенијата дополнителен стрес.
Ако забележите дека розите немаат цветови, тоа не значи дека треба да почнете да ги наѓубрувате пообилно, за да ги натерате да расцветаат.
Многу е веројатно тие да влегле во фаза на „хибернација“ кога целосно ја штедат енергијата за да опстанат.
Растението ќе се „разбуди“ тогаш кога ќе се чувствува подготвено за тоа.
Исто така, не се препорачува во најголемите горештини да ги кроите гранките и да ги отстранувате оштетените делови, затоа што така можете целосно да ги уништите.
Кроењето на вашите рози, оставете го за во септември.
Б. С. Б. | Црнобело
Би можело да ве интересира:
![](https://www.crnobelo.com/media/com_jvrelatives/images/thumbs/com_content_103640_400.jpg)
![](https://www.crnobelo.com/media/com_jvrelatives/images/thumbs/com_content_103911_400.jpg)
![](https://www.crnobelo.com/media/com_jvrelatives/images/thumbs/com_content_110440_400.jpg)
![](https://www.crnobelo.com/media/com_jvrelatives/images/thumbs/com_content_106528_400.jpg)
![](https://www.crnobelo.com/media/com_jvrelatives/images/thumbs/com_content_105474_400.jpg)
![](https://www.crnobelo.com/media/com_jvrelatives/images/thumbs/com_content_103856_400.jpg)