Постојано сте уморни и немате мотивација? Проверете дали сте ментално и емоционално исцрпени

Многу луѓе се исцрпуваат ментално и емоционално, што резултира со голем број на проблеми. Овие симптоми може да го нарушат вашиот нормален тек на животот, влијаејќи на вашата продуктивност и односи со луѓето. 

Ако се препознаете во овие 5 работи, можно е да минувате низ тежок период во животот и треба да започнете со неколку промени.

Немате мотивација

Се чувствувате како да не сте способни да ја завршите работата. Се борите да ја пронајдете потребната мотивација.

Целите кои некогаш ве поттикнале да работите напорно не се доволни. Со ова е особено тешко да се борите кога сте на работното место или на училиште, бидејќи има рокови за достасување на различни задачи.

Но, ако не сте мотивирани и не започнете со тие задачи, нема да ги завршите навреме, па тие ќе се акумулираат, што ќе ве натера да одолговлекувате повеќе.

Дури и малите работи ве нервираат

Во последно време наоѓате негативност насекаде околу вас и секој мал детаљ ве нервира. Како што минуваат деновите, се чувствувате безнадежно. Неспособноста и недостатокот на моќ прават да се чувствувате сè повеќе и повеќе иритирани.

Плачете без никаква причина

Ако моментот кога наутро ќе ви падне паста од четката за заби или некоја слична ситница ве доведе до напад на хистерично плачење, тоа воопшто не е добро.

Кога сме исцрпени и физички и психички, прилично ја губиме силата да се справиме со предизвикувачки ситуации, а редовниот секојдневен стрес се засилува.

Имате проблеми со спиењето

Преголемото чувство на исцрпеност ви го отежнува смирувањето на мислите и заспивањето, па така несоницата станува само уште една работа на списокот.

Вие сте толку многу уморни и сè што сакате да направите е да спиете, но не можете. Зошто? Затоа што вашите мисли не спијат. Може да се случи да почнете да заспивате, но некоја грижа ќе ви навлезе и ќе ве разбуди.

Постојано сте уморни

Можеме да бидеме исцрпени по неколкудневна забава, но тој вид исцрпеност може да се поправи со пристоен сон од неколку ноќи. Заморот не може.

Кога страдате од замор, не е важно дали спиете 20 часа на ден или пиете 30 кафиња во период од неколку часа, вие сепак ќе бидете уморни.

Какви мерки да преземете?

Можете да направите одредени промени во животниот стил за да помогнете во ублажување на симптомите на емоционална исцрпеност.

Овие техники на почетокот нема да бидат лесни, но ќе станат полесни кога ќе почнете да создавате поздрави навики.

Можете да започнете со утрински прошетки, јога, медитација, неколку денови без алкохол, разговор со најблиските, одмор од работа или луѓе кои ви создаваат стрес и слично.

Сепак, многу е важно и да побарате стручна помош за да се справите со овие проблеми побрзо и да добиете дополнителни насоки.

M. Г. | Црнобело