Најштетните положби за спиење по човековото здравје - како спиете вие?

После долгиот, напорен ден единствено што сакаме е да се струполиме во креветот и да заспиеме слатко на перницата. Не секогаш размислуваме за тоа што му се случува на нашето тело додека спиеме.

Можеби положбата која ни е омилена во текот на спиењето предизвикува значителна штета по нашето здравје? Кои се најштетните положби за спиење?

Поза ембрион

Многумина сакаат да заспијат свиткани како буквата „С“ или во ембрион поза, како мало бебе во стомакот на мајката. Оваа положба за спиење предизвикува сериозно искривување на ’рбетот, а затоа што лицето е делумно затворено во положбата, може да се јават и проблеми со дишењето.

Спиење на една страна

Спиењето исклучиво на левата страна го зголемува притисокот врз внатрешните органи. Тука спаѓаат срцето, црниот дроб, белите дробови и желудникот. Но, за бремените жени е покорисно да спијат на левата страна: оваа положба го подобрува протокот на крв и циркулацијата на хранливи материи кои влегуваат во ембрионот.

Спиење на една страна со испружени раце напред

Доколку спиете во оваа положба тогаш им создавате силен притисок на нервите на рамото, што може да доведе до привремена атрофија на мускулите во рамото и рацете. Кога ќе се разбудите ќе откриете дека рацете ви трнат и не си ги чувствувате.

Положба на морска ѕвезда

Многумина спијат на грб со раширени раце и нозе. Доколку рацете ви се постојано кренати додека спиете на грб, ова може да доведе до сериозна мускулна напнатост во рамениците. Исто така, во оваа положба може да се појави ’рчење, како и да се активира рефлексот на желудочни киселини кои полека ќе почнат да се креваат нагоре по дишникот.

На стомак

Не секој ужива во оваа положба, но има и многумина кои спијат исклучиво на стомакот. Оваа положба за спиење е дефинитивно штетна, особено доколку спиете долго време во истата - ’рбетот нема доволно поддршка кога спиете на стомак. Покрај тоа, во оваа положба вратот е постојано свртен на едната или другата страна, што дополнително предизвикува болки во истиот.

Кои положби за спиење се корисни?

Лекарите сметаат дека најкорисно е да легнете на грб во позиција на војник, односно со рацете добро испружени покрај телото (положба бр. 4).

Доколку мора да ја смените положбата, најдобро е да се свртите на една страна, но во истата поза – војник со рацете испружени покрај телото. Ова е добро е за грбот и вратот, а исто така го намалува и ризикот од апнеа – привремено нарушување на вентилацијата на белите дробови.

(О)Милена | Црнобело