Труење со храна: Како да го препознаете и кога да побарате помош?

Труењето со храна е предизвикано од храна во која се наоѓаат бактерии како салмонела, ешерихија коли  или некои видови на вируси. Посебно ризичен е овој топол период кој следи, затоа вреди да ги знаете сите мерки за превенција и олеснување на состојбата.

Најважно е да знаете како да ги препознаете симптомите на труење со храна и што да преземете доколку дојде до тоа.

Симптоми:

Симптомите можат да варираат од болки во стомакот кои брзо поминуваат, до многу сериозни симптоми како што се грозница и висока температура:

• Мачнина
• Болка во стомакот
• Грозница
• Пролив
• Повраќање
• Грчеви

Како да се лекувате доколку ги имате овие симптоми:

Никако не земајте лекови против пролив без рецепти, односно доколку претходно не сте се советувале со лекар. Вашето тело се обидува да ги исфрли бактериите и затоа е подобро да го оставите организмот сам да се избори.

Внесувајте многу течности за да не се доведете до дехидрација. Во однос на храната, консумирајте ориз, банана и двопек.

Кога треба да побарате помош?

• Доколку имате пролив со температура повисока од 38,5 степени
• Доколку имате вртоглавица и чувствувате жед
• Доколку имате пролив подолго од 4 дена

Побарајте веднаш итна помош доколку:

• Во столицата имате крв
• Доколку чувствувате силно чукање на срцето
• Доколку сте се разболеле поради консумирање школки, печурки или конзервирана храна - токсините од овие намирници можат да имаат сериозни последици.