Што да јадете за да ја ублажите вагиналната инфекција – кандида?

Кандидата е гинеколошки проблем кој се развива кај 75 отсто од сексуално активните жени, барем еднаш во животот.

Поголема активност на инфекцијата се случува поради нарушување на рамнотежата на имунолошкиот систем, а тоа може да биде предизвикано и од некоја храна.

Затоа, потребно е да знаете каква храна да консумирате за да се заштитите од кандида, а каква ако веќе ви е во понапредна фаза.

Според интензитетот на симптомите кандидата може да биде од лесен, умерен и тежок облик на заболување.

Кај лесниот облик се јавува само непријатно пецкање, воспаление и чешање.

Умерениот облик е дополнет со видливо црвенило на слузницата на матката и пообилен исцедок.

Тешкиот облик на кандида е проследен со обилен белузлав и жолтеникав густ исцедок од матката, црвенило на вагината, отеченост и болка,поради што и самиот сексуален однос може да биде болен.

Кандидата не е пренослива болест, но кај 15 отсто од мажите, по сексуалниот однос со жена која ја има инфекцијата, добиваат и тие непријатни симптоми како чешање и нафрлување ма половиот орган.

Постои и одредена диета која се препорачува ако имате кандида, но постои и список на намирници кои треба да ги консумирате за да ги ублажите симптомите:

• житарици од цели зрна (кафеав ориз, просо, јачмен)
• свеж зеленчук, посебно зелениот, подготвен на пареа
• морски билки, `ржан леб, пуканки, тортиљи, тофу, мисо
• обичен јогурт, свежа риба, месо од природно гоени домашни животни и јајца од природно хранети кокошки.
• чисто маслиново масло
• лук, сиров или малку проварен

Од друга страна, постои храна која не би требало да ја јадете ако ви се развила инфекцијата на кандида:

• леб, пекарски производи, тестенини, колачи, бисквити и други рафинирани јаглехидрати.
• индустриски овошни сокови и сос од домати, освен домашни.
• храна која содржи оцет или туршија
• сите млечни производи, освен путер, домашен кефир или домашен јогурт
• димена храна, сушено месо
• ф`стаци и кикирики
• сите алкохолни пијалаци
• квасец
• кафе и црн чај