Знаци кои упатуваат дека патите од депресија

Сосема е нормално во текот на животот да поминете низ одредени турбуленции. Па така, некогаш ќе бидете блиску до ѕвездите, а некогаш ќе го допрете самото дно.

Депресијата е сериозно нарушување, од кое патат прилично голем број на луѓето ширум светот, без да знаат.

Доколку забележите некој од следниве знаци, би било добро да побарате помош:

1. Вашите навики за спиење се далеку од здрави

Луѓето кои патат од депресија, најпрво се жалат на проблеми со спиење. Тие проблеми вклучуваат тешкотии при заспивање, несоница или пак спиење во текот на целиот ден.

2. Деконцентрација

Луѓето кои патат од депресија често имаат проблем со концентрација, без разлика дали станува збор за едноставни или сложени работи. Тука може да се вклучи и тешкото разбирање на она што го читате и неспособноста да запомните специфични детали.

3. Чувство на безнадежност

Чувството на безнадежност најчесто се појавува кај луѓето со клиничка депресија, а истата може да биде и една од најтешките емоции кои некогаш сте ги доживеале. Тука спаѓаат чувството на незадоволство, неуспех и уверувањето дека ништо нема да се подобри.

4. Промени во исхраната

Личностите кои патат од депресија често доживуваат и одредени промени во исхраната. Некои во целост го губат апетитот, што доведува до драматично намалување на телесната тежина, а некои пак имаат чувство дека не можат да престанат да јадат.

5. Чувство на безвредност

Депресијата може да ги зголеми чувствата на самопрезир, безвредност и чувството на вина. Често пати, овие луѓе се самокритички заради работи кои навистина се случиле, но и поради замислени грешки.

6. Физичка болка

Депресијата, покрај менталната болка, се одразува и на физичкото здравје. Зголемената болка во мускулите, силните главоболки и болките во стомакот и грбот, можат да бидат првите знаци на депресија.