Залажете ја гладта

Постојано сте гладни, а сакате да ја одржувате линијата? Секогаш постои начин да го залажете организмот. Ова се неколку продукти кои ќе ја...

 

...ублажат гладта, а нема да влијаат на вашата линија.

Ленено семе
Одличен извор на здрави масни киселини, кои го ублажуваат непријатното чувство на празнина во желудникот, посебно ако се измеша со јогурт, или крем сирење.

Вода
Некои луѓе често го мешаат чувството на жед со глад, а всушност патат од дехдритација. Доколку на телото му недостига течност, човекот е уморен и поспан, па често пробува тоа да го реши со храна, што е погрешно. Затоа, многу е важно да препознаете кога сте гладни, а кога жедни.

Супа
Пилешката и супата од зеленчук имаат моќ со малку калории да го наполнат желудникот. Пилешкото на телото ќе му даде мала доза на протеин, а со тоа и енергија, а варениот зеленчук бргу ќе го задоволи гладот.

Бадеми
Доколку морате нешто да грицкате помеѓу оброците, нека бидат тоа бадеми. Конзумирајте ги пред да почувствувате голем глад, бидејќи во спротивно ќе изедете премногу, а тие сепак имаат висок степен на масти.

Јаболки
Покрај тоа што се здрави, јаболките содржат и влакна кои го наполнуваат стомакот и го залажуваат гладот за час, или два. Од витамините и овошниот шеќер кои се содржат во јаболките, нема да чувствувате мачнина, или празнина.

Овесна каша
Полна е со влакна и со многу мала количина шеќер, па затоа е одличен избор доколку сакате да го убиете гладот помеѓу оброците.

Лосос
Овој вид риба има многу здрави масти кои ќе ви помогнат долго време да останете сити. Но, да напоменеме, две мали парчиња риба ќе бидат сосема доволни за еден оброк.

Кафе
Ако се зема во умерени количини, кофеинот го стимулира нервниот систем, ја зголемува телесната активност и го смирува чувството на глад. Само немојте да претерувате со овој пијалок!