Стресот не е страшен

Се` додека стресот не го обземе вашиот живот не е страшно. Малку стрес може да ве мотивира и поттикне на акција и да ви го прочисти умот.

Добриот стрес е оној што се случува кога чувствувате краток потрес на адреналин што ви овозможува подобро да ги прифатите и завршите задачите.

Малку стрес, односно поттикнувачка трема, на пример ги стимулира актерите да ја дадат најдобарат изведба.

Црно чоколадо

Темното чоколадо, особено она што содржи повеќе какао, поттикнува лачење на природните антидепресиви ендорфин и серотонин.

Само неколку коцки темно чоколадо ќе ви помогнат да ги совладате неиздржливите желби за слатко, а и ќе ви го стабилизира мозокот токму тогаш кога ќе почне да бара шеќер.

Излезете на сонце

Толку многу се зборува за лошите ефекти од сончевите зраци што сега треба да ве потсетиме дека сонцето е неопходно за генерирање на витаминот Д што помага да се апсорбира калциумот за да се борите против остеопороза и други коскени оштетувања.

Сепак не заборавајте да ставите крем со заштитен фактор.

Ајде на кафе

Како диуретик кафето го намалува ризикот од појава на камен во бубрег и жолчка.

Кафето содржи и антиоксиданси, го намалува ризикот од дијабетис и има антидепресивни својства.

Го покачува нивото на серотонин и допамин, па со нивна помош го подобрува расположението. Но, не треба да пиете повеќе од три шолји дневно.

Наздравете со вино

Виното содржи моќни антиоксиданси, па умеренот пиење е навистина добро за целокупното здравје.

Предност, секако, имаат црвените вина.

Џвакајте мастика

Истражување во кое учествуваа многу американски забари покажа дека џвакањето мастика ја спречува појавата на кариес.

Џвакањето поттикнува лачење плунка која ги штити забите, а и состојка што се користи како замена за шеќер во мастиките го менува хемискиот состав и ги намалува лошите бактерии во устата.

Пријателите блиску, непријателите исто

Не мора да ги игнорирате сите оние кои не ги обожавате. Нема да ви штети ако една блиска личност ја доживувате како нешто меѓу пријател и противник.

Здравата конкуренција ќе ве поттикне да станете уште подобри и никогаш нема да се запуштите.

Развикајте сеееееееее!

Многу е пострашно да ги потиснувате емоциите. Слободно развикајте се, а тоа важи и за родителите на мали деца.

Кога нешто ќе ве разбесни, луѓето (и децата) околу вас треба да го знаат тоа за да научат што е добро.

Ова сепак чувајте го за ретки прилики, инаку само ќе бидете неподносливи, а и никој вашата лутина нема да ја сфати сериозно.