Промени во телото кои можат да бидат знак за (сериозен) проблем со здравјето

Отечено лице

Постојат разни здравствени проблеми кои предизвикуваат отечено лице, како повреди, инфекции и алергии.

Ако немате повреда или алергија која може да биде причина, најдобро одете на лекар ако забележите дека лицето ви е отечено.

Бел јазик

Постојат многу причини за побелување на јазикот, а обично најчестата е несоодветна орална хигиена.

Други причини вклучуваат:

• Носење вилици
• Примање терапија со антибиотици
• Сувост во устата од лекови
• Габична инфекција

Ако ја подобрите грижата за оралната хигиена и не забележите подобрување, тогаш одете на лекар.

Побелени нокти

Промените во ноктите можат да бидат причинети од разни здравствени состојби.

Овде спаѓаат:

• Повреда на прстот/ноктот
• Проблеми со црниот дроб
• Дијабетес
• Проблеми со тироидната жлезда
• Примање хемотерапија
• Недостаток од хранливи материи

Ако по некој период состојбата на ноктите не се подобри, одете на лекар.

Живописни соништа

Некои луѓе воопшто не ги помнат нивните соништа, а некои имаат мошне живописни соништа.

Ако одеднаш соништата ви станат многу живописни, можеби се причинети од:

• Проблеми или големи промени во животот
• Недоволен сон
• Одредени лекови, како антидепресиви
• Проблеми со менталното здравје
• Бременост

Промени во градите

За секоја промена во градите, која не е поради месечниот циклус, како израстоци, отоци, црвенило, постојано чешање, испакнатини, одете на лекар.

Кога станува збор за рак на дојка, раната детекција е клучна за успешно лекување.

Спирова С. | Црнобело