8 знаци кои укажуваат на проблеми со менталното здравје кај жените (и зошто се посклони на нив)

Кои се најчестите знаци за проблеми со менталното здравје кај жените?

Многу е важно да се нагласи дека појавата на некои од овие симптоми не мора да значи дека личноста има проблеми со менталното здравје, но добро би било да се побара професионална помош и совет, пред работите да станат посериозни.

Постојано чувство на тага или безнадежност

Жените често знаат проблемите како депресија или анксиозност да ги потиснуваат во себе.

Ако чувството на длабока тага и безнадежност се претвори во повлеченост, молчеливост, осаменост и целосно потиснување на емоциите, тоа може да значи дека личноста потајно се бори со ментално нарушување.

Повлекување од секојдневните активности

Кога се соочуваат со нарушувања со менталното здравје, некои жени може целосно да се повлечат и да ги занемарат секојдневните активности во кои некогаш уживале, но и да ги избегнуваат дружбите.

Ако забележите постојано повлекување од секојдневниот живот, од дружбите со пријателите, тоа може да значи дека личноста се соочува со поголеми проблеми.

Проблеми со спиењето

Со оглед на тоа што тие ги потиснуваат проблемите во себе, може да се случи тоа да им предизвика проблеми со сонот и да влијае врз секојдневниот живот.

Ако покрај другите проблеми, постојат и проблеми со сонот, многу е важно веднаш да се побара помош од специјалист.

Екстремни промени во расположението

Кај жените што имаат проблеми со менталното здравје, може да се забележат нагли и неочекувани промени во расположението, што се екстремни и многу поизразени од вообичаените променливи расположенија.

Интензивна анксиозност или загриженост

Често може да се случи кај жените што се справуваат со ментални болести да се појават симптоми како константна анксиозност, нагласена загриженост и ирационални стравови.

Ако овие емоции влијаат врз секојдневниот живот и се комбинирани со други фактори, тоа може да укаже дека постои проблем со менталното здравје.

Промени во апетитот

Драстичните промени во исхраната, што може да доведат до значајно намалување или зголемување на телесната тежина, се уште еден симптом.

Ако покрај другите симптоми забележите дека личноста има проблеми и со исхраната, тоа значи дека е неопходно да се побара совет од професионалец.

Постојан замор

Чувството на постојан замор може да влијае врз секојдневието.

Тоа чувство се јавува често како последица на потиснувањето на менталните проблеми и е уште еден од знаците дека на личноста можеби ѝ е потребна професионална помош.

Физички симптоми што се појавуваат одненадеж

Освен гореспоменатите симптоми, жените што имаат проблеми со менталното здравје често може да чувствуваат главоболки, болки во стомакот кои се појавуваат ненадејно и навидум без причина.

Ако вие или некој ваш близок искусувате некои од овие симптоми, добро би било да се консултирате со психолог, за навреме да можете да ги третирате проблемите, пред ситуацијата да ескалира.

Б. С. Б. | Црнобело