Симптоми, ризични фактори: Работи што секоја жена мора да ги знае за ракот на јајници

Кога треба да одите на лекар и како се лекува?

Дури и ако почувствувате само еден од наведените симптоми, важно е да одите на гинеколог бидејќи колку порано се открие ракот, толку полесно се третира.

Ако почувствувате и симптом кој не е наведен на листата, но е необичен за вас, задолжително одете на гинеколог.

Третманот на ракот на јајници зависи од неколку фактори како големината и типот на туморот, неговата местоположба, дали е проширен и вашето генерално здравје.

Најчестите третмани се операција и хемотерапија. Некогаш се користат и лекови, како и терапија со хормони.

Доколку ракот е во рана фаза и се нема проширено, најчесто се прави операција со која се отстрануваат јајниците и јајцеводите.

Ако ракот е проширен, можно е да се направи операција за отстранување и на заболено ткиво од другите органи.

Хемотерапијата, пак, може да се користи пред и после операција, но и да биде самостоен третман.

Генерално, третманот зависи од самата пациентка и може да варира.

Кои се ризичните фактори и можете ли да се заштитите?

Ризикот од рак на јајници се зголемува со возраста. Лошите вести се дека секоја жена може да добие рак на јајници, освен ако не ѝ се отстранети овие органи.

Постојат неколку фактори што го зголемуваат ризикот. Нo, важно е да знаете дека доколку спаѓате во ризична група, не мора да значи дека сигурно ќе имате рак на јајници.

Ризичните фактори вклучуваат:

• Некои гени кои се наследуваат
• Историја со рак на дојките или цревата
• Ендометриоза или дијабетес
• Некои хормонални терапии
• Прекумерна тежина
• Пушење

За жал, ракот на јајници не е болест која секогаш може да се спречи. Но, можете да направите мали промени во секојдневието за да го намалите ризикот:

• Престанете со пушење
• Ослабете ако имате прекумерна тежина и одржувајте ја оптималната тежина
• Редовно одете на гинеколошки прегледи, особено ако имате семејна историја со рак на јајници

Како што веќе спомнавме, колку порано се открие ракот, толку се поголеми шансите за лекување. Па, ако забележите какви било промени и симптоми, дури и ако не се поврзани со репродуктивниот систем, задолжително одете на лекар.

Прочитајте и Д-р Игор Алулоски, гинеколошки онколошки хирург: „Извадивме тумор со 90 литри течност, најмладата пациентка ми беше 11-годишно девојче“

Спирова С. | Црнобело