Познати дами кои ги прославија нивните „мани“ – сега им се заштитен знак

Кејт Босворт (35)

Кога е генетиката во прашање, никој не може да оди против природата. Сте забележале ли дека американската актерка има очи со различна боја?

Ова го наследила од родителите, а научниот назив за состојбата е хетерохромија. Едното око ѝ е сино, додека другото е кафеаво. И, таа изгледа прекрасно.

Кејт Босворт никогаш не користела леќи за да ги сокрие шарените очи. Напротив. Честопати и намерно ги истакнува со шминка, ставајќи ги во преден план.

Леа Мишел (31)

Заради големиот нос и неконвенционалниот изглед, Леа Мишел многупати слушнала дека „не е доволно убава за на телевизија“.

Сепак, актерката и пејачка никогаш не се грижела за таквите коментари. Иако многу жени на нејзино место уште одамна ќе го оперираа носот, таа отсекогаш била против хируршка интервенција.

И самата го потврди ова во едно интервју, порачувајќи: „Не мора да изгледаш како сите други девојки околу тебе. Сакај го она што си.“

Вини Харлоу (23)

Младата канадска топ моделка се прослави во американското реално шоу „America's Next Top Model“, најмногу поради ретката кожна болест.

Вини Харлоу е родена со витилиго, па ѝ се јавуваат бели дамки на различни делови од телото, вклучувајќи го и лицето. „Флеките“ настануваат од губитокот на пигмент во кожата.

Откако се појави на малите екрани, модната сцена полуде по неа. Денес е главна ѕвезда на мноштво кампањи, како и заштитно лице на бројни дизајнерски куќи.

Лорд (21)

Новозеландската кантавторка е една од ретките ѕвезди кои со гордост зборуваат за своите акни. И не само што не се срами од нив – туку и ги покажува.

Отворено говореше дека со години има мака со акните, но дека научила да ги сака, па сега тие се составен „дел од нејзиниот имиџ“.

За девојките кои се натрупуваат со слоеви пудра за да ги прикријат мозолчињата, Лорд е вистински пример дека дури и тие може да бидат симбол за нечија уникатна убавина.

М. А. | Црнобело