Совети за шминкање: Како очите да ви изгледаат покрупни?

Како што со шминка може визуелно да ги истакнете јаболкниците, да ги издолжите трепките и зголемите усните, истото го можете и со очите. Како да го постигнете ефектот на поголеми и покрупни очи?

Овие 3 сенки ќе ви помогнат во таа мисија.

1. Виолетова сенка

Ако сакате да експериментирате, виолетовата сенка е идеална за истакнување на очите. Во комбинација со сини тонови и неколку слоја маскара е полн погодок.

2. Зелена сенка

Оваа боја ставете ја под долните трепки. На капаците нанесете крем или бела сенка, а ви препорачуваме и црно моливче. Идеално за ноќните излегувања кога сакате да ја нагласите бојата на очите.

3. Бронзена сенка

Металик ефектот на кафените сенки за очи се вистинскиот избор за девојките со потемни очи. Нанесете ги преку целиот капак и пределот под веѓите. Со помош на бела сенка нагласете ги аглите и нанесете неколку слоја маскара.