Зошто наесен ви паѓа повеќе коса + како да го поттикнете нејзиниот раст?

Иако не е позната точната причина, на многу луѓе наесен им паѓа повеќе коса. Иако ова може да биде загрижувачко, добрите вести се дека не е знак за нешто сериозно.

Ако на вашата перница забележите повеќе влакна од вообичаено, ако одводот за туширање почесто ви се затнува или, пак, чешелот за коса е преполн со влакна, можеби и вие доживувате една од понепријатните сезонски промени: сезонското опаѓање на косата. Но, не треба да се вознемирите, затоа што тоа е сепак сезонско, повремено, минливо.

Која е причината за оваа појава?

Луѓето губат повеќе коса во есен

Не постои научно објаснување зошто косата на луѓето повеќе паѓа во есен за разлика од другите сезони, но, постојат неколку теории за тоа.

Некои експерти веруваат дека ни треба повеќе коса во текот на летото за да нè заштити од директната сончева светлина, а други, пак, велат дека косата ни паѓа поради оштетувањето кое го претрпува во текот на летото.

Од друга страна, одредени експерти веруваат дека недостатокот од сончева светлина за време на есента влијае на хормоните кои имаат влијание врз растот на косата.

Ова се можни оправдувања за тоа зошто повеќе коса губиме во текот на оваа сезона, но ниту едно нема научни корени. Сепак, добрите вести се дека оваа појава обично трае околу 2-3 месеци.

Како да го намалите опаѓањето на косата?

Заштитете ја

Прекумерното изложување на сонце, загадување, дожд и прашина, без соодветна заштита, може да ја направи косата сува и кршлива.

Трудете се што е можно повеќе да ја заштитите, а ако сте изложени на овие „непријатели“, измијте ја косата уште истиот ден.

Не го прескокнувајте регенераторот

По шампонирањето, секогаш користете хидратантен регенератор за вашата коса, а потоа трудете се истиот да го измиете со постудена вода – со ова ќе ги затворите порите и ќе го одржувате скалпот чист подолго време.

Редовно потстрижување

Редовното потстрижување на косата не само што ќе ѝ даде поубава форма и изглед, туку исто така ќе ви помогне да се ослободите од досадните заплеткани врвови и сувоста.

Расплетете ја косата за да избегнете нејзино кршење

Расплетете ја косата додека е мокра, а за да избегнете кршење, почнете со чешлање врвовите, а потоа продолжете кон коренот.

Продолжува на следната страница...