Мајка прави вистински ремек дела на чинија за да го убеди синчето да јаде здрава храна
Некои деца јадат овошје и зеленчук без проблем, а некои мајките мора да се послужат со трикови за да ги натераат да јадат. Велат дека за децата мошне е важно храната да биде убава на „око“ и интересна.
Така оваа мајка нашла начин како да го убеди нејзиниот син да јаде овошје и зеленчук. Порциите ги креира да наликуваат на неговите омилени цртани херои.
Во обид да го натера синот да ја исфрли процесираната храна Дијана Гонзалес почнала да креира вистински ремек-дела на чинија. Така ликовите од Toy Story, Scooby Doo, Peppa Pig, Nemo и Paddington Bear досега се нашле во нејзините креации.
„Сè започна кога се обидував да го натерам синот да јаде повеќе овошје и помалку процесирана храна. Со карантинот што започна во март минатата година тој беше дома и почнавме да ги изработуваме делата, па така еден ден направив Пинк Пантер со ориз и си помислив дека е мошне забавно. Не велам дека претходно не јадеше воопшто овошје и зеленчук, но сега наместо нездрава ужина, тој добива здрава чинија. Договорени сме, ако направам слика – ќе ја изеде“ – вели Дијана.
Таа вели дека по ова секојдневно кога го зема синот од училиште тој е возбуден и прашува што ќе добие за јадење, но таа секогаш сака да го чува изненадувањето.
Инаку, Дијана по потекло е од Мексико, а работи како директор во сектор за Човечки ресурси. Таа заедно со сопругот Пол и синот Џорџ во текот на минатата година дошле во посета на роднини во Обединетото Кралство, а останале таму по ограничувањата заради светската пандемија.
Во продолжение повеќе фотографии од креациите на Дијана:
Б. С. Б. | Црнобело
Би можело да ве интересира:
Препорачуваме
Најчитани неделава
