8 особини со кои се истакнуваат поголемите деца во семејството
Поголемите браќа или сестри на рана возраст учат како брзо да ја проценат ситуацијата, да им дадат приоритет на задачите и да најдат ефективни решенија. Оваа рана обука за управување со кризи, во зрелоста често се претвора во одлични способности за решавање проблеми.
Искуството да растете како поголем брат/сестра често доаѓа со одредени одговорности, особено ако ви била доделена задача да се грижите за помалите.
Иако оваа улога во семејството може да има некои предизвици, исто така може да придонесе да развиете посилна личност.
Постарите браќа или сестри често ги поседуваат следниве силни страни, стекнати низ годините:
Исклучителни лидерски вештини
Растејќи, постарите браќа или сестри честопати се ставаат во улога на лидери, дури и ако не го побарале тоа.
Грижата за помладите во семејството обично вклучува и насочување на нивните активности, донесување одлуки, но и решавање конфликти.
Оваа рана изложеност на лидерство, во зрелите години често се претвора во природна способност да се преземе одговорност и да се водат тимови.
Стануваат многу трпеливи
Од врзување на врвките на чевлите, до справување со секојдневните задачи на најкомплексен начин, секојдневните предизвици кои ги создаваат помалите во семејството навистина бараат многу трпение.
Но, низ сите тие моменти, постарите браќа и сестри учат да бидат трпеливи.
Така, понатаму во животот тие сфаќаат дека понекогаш само треба да се повлечат и да ги остават луѓето да направат некои грешки.
Напредни комуникациски вештини
Постарите браќа и сестри често стануваат експерти за дешифрирање на потребите и желбите на нивните помали браќа и сестри.
Оваа способност за разбирање и одговор на невербалните знаци, понатаму во животот може да се претвори во супериорни комуникациски вештини.
Значи, ако сте го поминале вашето детство „дешифрирајќи“ ги вашите помали браќа или сестри и смирувајќи ги нивните кавги, најверојатно сте развиле некои прилично напредни комуникациски вештини.
Природна способност за решавање на проблемите
Поголемите браќа или сестри на рана возраст учат како брзо да ја проценат ситуацијата, да им дадат приоритет на задачите и да најдат ефективни решенија.
Оваа рана обука за управување со кризи, во зрелоста често се претвора во одлични способности за решавање на проблеми.
Без разлика дали се работи за справување со тежок проект на работа или за справување со лични предизвици, овие поединци често се вешти да ги најдат најдобрите решенија и ефикасно да ги имплементираат.
Голема емпатија и разбирање
Растењето како поголеми браќа или сестри значи секогаш да бидете до помалите, да ја делите секоја нивна пролеана солза, да станете нивна поддршка и рамо на кое треба да се потпрат.
Оваа длабока врска поттикнува високо ниво на емпатија и разбирање, што често е присутно и надвор од семејството.
Оваа карактеристика не ги прави само одлични пријатели и партнери, туку може да придонесе и за успех во нивната кариера.
Способност за извршување повеќе задачи одеднаш
Кога сте поголемото дете во семејството, честопати треба да ги завршите вашите задачи, но да не ги занемарите и помалите браќа или сестри.
Тоа постојано насочување на повеќе задачи одеднаш им дава на поголемите браќа или сестри уникатна способност за ефикасно справување со повеќе обврски одеднаш.
Издржливост пред предизвиците
Постарите браќа или сестри честопати се соочуваат со најразлични предизвици. Но, среде целиот тој хаос, постои предност, односно, постарите личности стануваат поиздржливи.
Тие учат како повторно да се воздигнат по неуспесите, како да се приспособат на непознати околности и да истраат дури и кога се соочуваат со неволја. Во зрелоста, оваа издржливост станува вистинско богатство.
Силно чувство за одговорност
Поголемите браќа и сестри имаат длабоко вкоренето чувство за одговорност. Уште од рана возраст тие ја сфаќаат важноста на почитувањето на обврските и давањето приоритет на потребите на другите, пред нивните.
Понатаму, во зрелоста тие се претвораат во сигурни пријатели, вработени, партнери…
М. Ѓ. | Црнобело / фото: freepik.com
Би можело да ве интересира:
![](https://www.crnobelo.com/media/com_jvrelatives/images/thumbs/com_content_107004_400.jpg)
![](https://www.crnobelo.com/media/com_jvrelatives/images/thumbs/com_content_106658_400.jpg)
![](https://www.crnobelo.com/media/com_jvrelatives/images/thumbs/com_content_103873_400.jpg)
![](https://www.crnobelo.com/media/com_jvrelatives/images/thumbs/com_content_106726_400.jpg)
![](https://www.crnobelo.com/media/com_jvrelatives/images/thumbs/com_content_107224_400.jpg)
![](https://www.crnobelo.com/media/com_jvrelatives/images/thumbs/com_content_109727_400.jpg)