Пробајте да најдете директен лет и уште 6 совети за намалување на загадувањето за време на патување

Ако водата е исправна, немојте да купувате флаширана, туку пијте од чешма. Кога, пак, одите во маркет, не ја заборавајте торбата за пазарење за да не мора да купувате кеси.

Веќе стигнавме до точка каде што не можеме да чекаме Земјата самата да се „поправи“. Сега, повеќе од кога било, потребно е ние да преземеме нешто.

Доколку сакате да направите промена, можете да ја заштитите околината дури и кога одите на патување. Многу често забораваме дека и нашите патувања можат да предизвикаат штета ако сме несовесни.

Па, доколку сакате да го направите патување еколошко, следете ги следниве совети:

Најдете директен лет

И авионите испуштаат гасови штетни за околината. Токму затоа, бројни славни личности се мета на критики бидејќи летаат со приватни авиони, наместо со комерцијални.

Единственото нешто што вие можете да го направите во врска со штетнта емисија од авионите е да пробате да најдете директен лет до вашата дестинација.

Причина е тоа што за време на полетувањето и слетувањето се емитуваат најмногу штетни гасови. Секако, тоа не зависи само од вашиот еден лет, но од некаде мора да се почне. 

Изнајмете електрично возило

Кога изнајмувате возило, прашајте дали компанијата нуди хибридни или електрични возила.

Тие се многу побезбедни за нашата околина, а можеби и ќе ве инспирираат да го замените вашиот автомобил со електричен.

Возете велосипед

Кога можете, заменете ги возењето со јавен превоз и такси со пешачење, електричен тротинет или велосипед. Ова не само што е поеколошка опција, туку е многу поевтино и поздраво за вас.

Изнајмете стан/вила наместо хотелска соба

Подобро е да се сместите во некоја вила отколку во хотел бидејќи тогаш вие ќе го контролирате рециклирањето, оброците и нештата што ги консумирате.

Уште подобро е ако самите готвите и ако набавувате свежи и локални намирници.

Секогаш исклучувајте ги светилките што не ви требаат, а пред излегување подобро е да ги отворите прозорците, наместо да ја оставате климата вклучена.

Купувајте локална храна

Локалната храна секогаш нека ви биде приоритет бидејќи не само што ја поддржува локалната економија, туку е и подобра за околината.

Истовремено, целото патување ќе ви биде подобро искуство кога ќе ја вклучите и локалната храна во него.

Кога, пак, купувате нешто, понесете си торба за пазарење.

Пијте вода од чешма

Доколку водата од шема е добра за пиење, избегнувајте да купувате флаширана. Исто така, подобро е да се туширате наместо да правите купка во када и да потрошите многу повеќе вода.

Почитувајте го опкружувањето

Држете се до патеките за пешаци, не ја уништувајте вегетацијата и собирајте го вашето ѓубре, без разлика дали сте на плажа, во планина или во некој град. 

Спирова С. | Црнобело