Ајутаја – древното светилиште на Буда (Тајланд)

Ова свето место претставувало седиште на 33 кралеви и престолнина на Сијам околу 400 години. Трговците од сите краеви на Европа и Далечниот Исток, доаѓале овде, во тогашниот пребогат и моќен град. За време на кратката бурманска инвазија, овој град бил скоро до темел разорен и новата престолнина е основана во Бангкок.

Денес овој древен град е дел од заштитените светски културни градини на УНЕСКО и е изграден врз канал кој поврзува три реки кои меѓусебно се спојуваат, формирајќи остров.

Карактеристичен е по урнатите храмови кои се наоѓаат расфрлани низ целиот остров, а најголемиот од нив е наречен Phra Si Sanpet и во минатото служел како палата. Овде ќе ја видите и една од најголемите статуи на Буда, излеана од бронза.

За жал, многу од статуите се уништени од бурманските освојувачи, а неодамна островот е опостушен и од крадци на вредни предмети.

Сепак, ова важи за едно од најсветите места на Тајланд, каде стотици туристи доаѓаат да се помолат пред фигурите на Буда, фрлајќи цвеќе и палејќи стапчиња темјан до неговите нозе, во знак на безвременско почитување.